Nostradamus var ekkert merkilegri en ég

Henti inn spá fyrir 16-liða úrslitin. Sjáum hvernig til tókst.

Dallas 4 - Golden State 2 (Fór 2-4)
Phoenix 4 - Lakers 2 (Fór 4-1)
San Antonio 4 - Denver 3 (Fór 4-1)
Houston 4 - Utah 1 (Fór 3-4)

Detroit 4 - Orlando 1 (Fór 4-0)
Cleveland 4 - Washington 1 (Fór 4-0)
Toronto 4 - New Jersey 3 (Fór 2-4)
Chicago 4 - Miami 3 (Fór 4-0)

Þokkalegur spekingur sem maður er Errm
5 réttir sigurvegarar. Hvergi réttar tölur.

Í commentum spáði BB þessu svo:

Detroit vinnur Orlando 4-1
Cleveland vinnur Washington 4-1
Miami vinnur Chicago 4-2
New Jersey tekur Toronto 4-2

Dallas 4 - Golden State 1
Phoenix 4 - LA Lakers 2
San Antonio 4 - Denver 2
Houston 4 - Utah 3.

Og Eiríkur Ólafs:

Dallas 4- Golden State 1
Phoenix 4 - Lakers 1
San Antonio 4- Denver 2
Houston 4- Utah 1

Detroit 4- Orlando 0
Cleveland 4- Washington 0
Toronto 2- New Jersey 4
Chicago 2- Miami 4

Eiríkur hlýtur því að teljast sigurvegari þessarar óformlegu tippkeppni bloggsins í 16-liða úrslitum. Réttar tölur í 4 leikjum af 8. Það er í lagi.


spurs suns

Svo er Vestrið að fara í gang í kvöld

Þetta verður hörkuseria. Ætla að spá henni í 7 leiki þar sem San Antonio klárar þetta svo.
Einhvern veginn held ég samt með Steve Nash og félögum.

Leikurinn hefst samkvæmt mínum útreikningum kl. 19.30 en hann er auglýstur á Sýn 20:50.
Veit ekki alveg hvort þeir ætli að sýna hálfan leikinn eða sýna hann bara aðeins seinna. Þori ekki að fara með það.

Á NBA TV er svo leikur New Jersey og Cleveland kl. 17:00.


4ja stiga karfa frá miðju

Nú er ég ekki vel að mér í Minor League deildum í Bandaríkjunum - Viðurkenni fúslega vanþekkingu mína á þeim málum.

Rakst þó á myndband úr leik í ABA deildinni (sem á þó ekkert skylt við gömlu ABA deildina).
Þar er annað liðið undir 128-124 og 10 sek. eftir.  Liðið sem er undir er með boltann og hlaupa að miðlínunni og skjóta þaðan - og hitta. Fór ég að velta fyrir mér hvað þeir væru að pæla að fara ekki nær en sé svo á stigatöflunni að staðan er þá orðinn 128-128.

Var því að velta fyrir mér: Hvar er 4ja stiga línan ?.. og hvað er að gerist fyrir þessa annars ágætu íþrótt ?

Hér er svo umrætt myndband:




Svo pakkaði Detroit Chicago gjörsamlega saman áðan.

Detroit - Chicago

Jæja þetta er á.  2. umferð að hefjast og fyrsti leikur: Undanúrslit í Austrinu - gömlu stórveldin og keppninautarnir Detroit Piston og Chicago Bulls.

Leikurinn er í beinni á NBA TV kl. 11 í kvöld og þeir sem komast ekki í NBA TV geta séð þetta á netinu. (Getið sent á mig mail fyrir leiðbeiningar með það)

Þetta er tíminn fyrir alla skápa-Bulls aðdáendurna sem hættu að horfa á körfubolta þegar Jordan lagði skóna á hilluna að rífa sig upp og kíkja á leikinn - þessir sem laumast alltaf á textavarp/355 á morgnana.

bulls 2


Smush Parker ekki áfram hjá Lakers

act_smush_parker

Phil Jackson, þjálfari L.A. Lakers tilkynnti í gær að leikstjórnandi liðsins, Smush Parker yrði ekki hjá liðinu á næstu leiktíð.  Parker verður samningslaus í sumar og þarf þá að finna sér nýtt félag.

Parker sem var að ljúka sínu öðru ári hjá Lakers hafði fyrir úrslitakeppnina í ár byrjað inná í 167 leikjum af 169 fyrir liðið en það var svo nýliðinn Jordan Farmar sem tók stöðu hans í úrslitakeppninni.

“Smush er leikmaður sem við munum ekki leitast eftir að komi og spili með okkur áfram” sagði Jackson við fjölmiðla í gær.

Parker gaf svo í skyn við sama tækifæri að hann væri ekki ósáttur að losna frá félaginu en hann var næst launalægsti leikmaður þess þrátt fyrir nokkura ára reynslu í deildinni en hann hefur áður leikið með Cleveland, Phoenix og Detroit.

Líklegt er talið að Lakers reyni að næla sér í nýjan leikstjórnanda í sumar. Farmar er efnilegur en langt frá því að vera tilbúinn í að vera lykilmaður í Lakers liðinu.

The Shaq Attack

shaq 2


RJ hetja New Jersey

ba9bf56d-aec1-4596-8373-8cfe40e5fb13

8 sekúndur eftir - 1 stigi undir. Richard Jefferson prjónar sig skemmtilega að körfu Toronto og setur layup. Kemur sér svo til baka og les auðveldlega sóknarkerfi Toronto - stígur út Chris Bosh og kemst inní sendinguna.  98-97 og Kanadapiltar komnir í sumarfrí.

Eina spennandi serian austan megin en þó ekki.  Flestir spáðu einmitt sigri Nets í þessum 6-7 leikjum. Spáði reyndar sjálfur 4-3 fyrir Toronto en er frekar sáttur að hafa rangt fyrir mér í þetta skiptið.

Eins eðlilegt og það er - þá var Jason Kidd með þrefalda tvennu að meðaltali í seriunni (14-13-10).  Nokkuð vel af sér vikið af 34 ára gömlum manni sem rétt slefar í 1.90. Snillingur.

En svo er þetta allt að fara í gang í kvöld.  Í hinni margrómuðu Detroit borg taka heimamenn á móti Chicago Bulls í fyrsta leik 2. umferðar.  Ben Wallace mætir á kunnuglegar slóðir og fær að berja á gömlum félögum. Þetta verður rosalegt. Úrslitaseria austursins að margra mati.

Svo vestur í Texas er víst líka einhver bland-í-poka leikur hjá þessum tveimur liðum sem hafa enn ekki klárað 1.umferðina.  Held ég haldi með Utah - þó að Golden State ætti sennilega meira breik í Houston. Æjh mér er slétt.

NBA TV kl. 2300

Detroit Pistons - Chicago Bulls


Tiltekt hjá Timberwolves - Klappstýrurnar ekki að standa sig

min_dan_600x400
Þær þóttu ekki standa undir væntingum í vetur

Það er nóg um að vera hjá Minnesota Timberwolves þessa dagana.  Ekki einungis að Glen Taylor eigandi liðsins hafi fyrr í vikunni gefið það sterklega í skyn að það kæmi vel til greina að trade-a í burtu stórum hluta liðsins í sumar heldur virðist liðið nú hafa fundið ástæðu slaks gengis síðustu ár - klappstýrurnar !

Melissa Sax og Tura Hallblade sem hafa samið dansa fyrir klappstýrulið Timberwolves í 7 ár voru í dögunum reknar frá félaginu.  Klappstýrulið Úlfanna datt út í fyrstu umferð útsláttarkeppni klappstýra á nba.com og þykir það greinilega ekki ásættanlegt í Minneapolis borg.

Eftirmaður þeirra stallna hefur hefur eftir því sem síðuhaldari veit best ekki verið ráðinn en ljóst þykir að þessi hlýtur að koma sterklega til greina:



Vísir

Fyrir þá sem hafa áhuga á að lesa lengri og vandaðri greinar um NBA úrslitakeppnina bendi ég á körfuboltasíðu Vísis http://www.visir.is/section/IDROTTIR03.  Þar eru frábærir hlutir í gangi.

Later Mavs

eaee0d93-88c8-43ed-b5d7-f71279f6446e Baron Davis hélt áfram að fara á kostum og stjórnaði liði sínu eins og herforingi - í þetta skiptið meiddur á læri og hné.
Stephen Jackson ákvað að halda sig lengst af á mottunni og einbeita sér að því að spila körfubolta. Hann setti 7 þrista af 8 og endaði með 33 stig.

Sigurinn hjá Golden State var sannfærandi.  Sæmilega jafnt fram að hálfleik en 36-15 þriðji leikhluti kláraði þetta.

Howard og Stackhouse með 20 fyrir Dallas - Nowitski 8 og þar af 0 af 6 í þristum. Er ekki örugglega búið að skila inn atkvæðaseðlum fyrir MVP ?


Úrslitaleikur hjá Houston og Utah á laugardag

Utah vann Houston nokkuð þægilega á heimavelli 94-82. Nú hafa bæði liðin unnið alla heimaleiki sína og eftir bókinni verður það þá Houston sem tekur oddaleikinn á laugardaginn.
Mikið yrði þó skemmtilegt að fá Utah-Golden State í undanúrslitum í Vestrinu.

e6a6b592-4dea-4e79-86b1-3c9ccd8158ab
T-Mac reynir að komast framhjá Boozer í nótt



mbl.is NBA: Golden State Warriors slógu Dallas út
Tilkynna um óviðeigandi tengingu við frétt

Deng vinnur Joe Dumars verðlaunin

deng120107_240786bLuol Deng, leikmanni Chicago Bulls var í dag afhent viðurkenning NBA deildarinnar í ár fyrir heiðarleika og drenglyndi á velli. Verðlaunin eru nefnd eftir fyrsta handhafa þeirra – gömlu Pistons kempunni Joe Dumars.  Þau eru ár hvert veitt þeim leikmanni sem þykir sýna af sér mestan heiðarleika á velli.

Kosningin fer þannig fram að hvert lið deildarinnar tilnefnir einn leikmann úr sínu liði og það eru svo leikmenn deildarinnar sem kjósa.
Deng var sem fyrr segir efstur – fékk 2027 stig, en næstur kom Shane Battier með 2005 stig.

Deng sem þykir einhver efnilegasti “mid-range shooter” sem sést hefur í lengri tíma hefur átt frábært tímabil fyrir Chicago liðið og var einnig ofarlega í kjörinu um varnarmann ársins og í kosningunni um mestu framfarir.

Athygli vekur að þetta er þriðja árið í röð sem leikmaður úr Duke háskólanum í Norður-Karólínu fær þessi verðlaun en Elton Brand vann þau í fyrra og Grant Hill árið þar á undan – ljóst að margir mættu taka uppeldisstefnuna þar til fyrirmyndar.

John Paxson, framkvæmdarstjóri Chicago Bulls sagði í viðtali af þessu tilefni að Deng væri ýmind alls þess sem hann vildi sjá í fóki - bæði sem körfuboltamanni og einstakling. "Deng er ein ástæða þess hversu langt við höfum náð í ár. Ég er virkilega stoltur af honum. Mér þykir gríðarlega mikið til hans koma og hef mikið álit á honum." sagði Paxson að lokum.


4-1 x 2

San Antonio og Phoenix unnu skyldusigra á heimavelli og tryggðu sig áfram í næstu umferð.  Liðin munu einmitt leika gegn hvoru öðru í 2. umferð en það verður þá annað árið í röð sem San Antonio fær mjög erfitt verkefni í 2. umferð - Þeir töpuðu gegn Dallas í 7 leikjum í fyrra.

Michael Finley skoraði 8 þriggja stiga körfur úr 9 tilraunum fyrir San Antonio og var þar með aðeins einu skoti frá því að jafna met þeirra Latrell Sprewell og Ben Gordon - 9 þristar úr 9 tilraunum.


untitled  



 Suns Takk ! 
mbl.is NBA: San Antonio og Phoenix áfram
Tilkynna um óviðeigandi tengingu við frétt

White Men Can´t Jump

....Ekki einu sinni af trampólíni !!

Þessi fékk sínar 15 mínútur af frægð.. jaa eða sekúndur.. í hálfleik hjá Dallas - Golden State í gær.
Frekar fyndið hvað hann er fáránlega reddí að dunka þessu rétt áður en hann fer svo aftur-á-bak!



Enn af Miðjumönnum KR-inga

Eins og áður var greint frá á þessu bloggi þá fóru stuðningsmenn KR-inga í körfunni gjörsamlega á kostum í úrslitakeppninni.

Í fjórða og síðasta úrslitaleiknum gegn Njarðvík byrjuðu menn hvatningarsöngva kl. 18 - tveimur tímum fyrir leik.  Þessi stuðningur hélst út leikinn og fram á nótt.
Þessu var greint frá hér.
Menn héldu af skemmtistaðnum Óliver um 2 leytið og var þá stefnan tekin á Vínbarinn.  Var það stór og mikil fylking KR-inga sem rölti niður Laugarveginn með Íslandsbikarinn í annari og blys í hinni.

Hin frábæra síða körfunnar í KR kr.is/karfa birti í dag myndband sem tekið var upp í þessari blysför og lýsir ágætlega stemningunni hjá Miðjumönnum - eins og stuðningsmenn liðsins kalla sig.
Það var Ragnar Jóhannsson sem tók upp myndbandið sem og annað myndband sem lýsir ágætlega stemningunni á Óliver og fær það að fylgja með.

Myndgæðin eru ekkert sérstök en hljóðið skilar sér ágætlega og það er það sem skiptir máli.

Blysförin



Skemmtilegt að sjá laganna vörð, Baldur Ólafsson fara þarna á kostum.


Óliver



Sagan segir að stemningin hafi verið svona frá því að leikur kláraðist og laaangt fram á nótt 


3-2 .. 3-2

New Jersey Nets tapaði á útivelli gegn Toronto þrátt fyrir að hafa unnið síðustu 3 leikhlutana - alla nokkuð örugglega.
En þegar þú ert 33-13 undir eftir þann fyrsta þá geriru þetta ansi erfitt.
New Jersey eiga þó heimaleik á morgun þar sem þeir geta tryggt sig áfram.

Golden State héldu áfram að sannfæra mig um að þeir eigi skilið að fara áfram og getur maður ekki annað en haldið með þeim.  Eftir basl framan af leik komust þeir í 9 stiga forystu með rúmlega þrjár mín eftir á klukkunni.
En með almennum klaufagangi og heimskulegri 6. villu á Baron Davis skoraði liðið ekki stig það sem eftir lifði leiks en Dallas setti á meðan 15 stig.  Þar fór Dirk Nowitski fremstur í flokki og það var kominn tími á að hann gerði eitthvað í þessari seriu.

En það verður leikið á morgun í Oakland þar sem ég hef fulla trú á að Dallas verði sendir heim - með skottið á milli lappana. Yrði það ánægjulegt.


st jacksson
Stephen Jackson hegðaði sér vel að vanda
Var rekinn úr húsi fyrir að klappa fyrir dómara - aftur

mbl.is NBA: Dallas og Toronto eygja enn von
Tilkynna um óviðeigandi tengingu við frétt

Traveling King

Hingað til hef ég ekki gert tilraun til að setja inn myndbönd á síðuna en eftir leiðbeiningar frá hinum mjög svo ágæta bloggara Eiríki Ólafssyni þá ætla ég hér að reyna fyrir mér með YouTube video.

Í tilefni þess að Cleveland sló út Washington í gær fannst mér við hæfi að henda inn myndbandi af sigurkörfu LeBron James gegn Washington í úrslitakeppninni í fyrra.
Mörgum þótti þessi karfa vægast sagt vafasöm en því má ekki gleyma að LeBron er leyfilegt að taka fleiri skref en aðrir leikmenn deildarinnar.

Til vinstri má sjá þessa sigurkörfu úr leiknum í fyrra en hægra megin hefur umdeilda atvikið verið klippt út og búið til skemmtilegt atriði úr því.



« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband