RJ hetja New Jersey

8 sekúndur eftir - 1 stigi undir. Richard Jefferson prjónar sig skemmtilega að körfu Toronto og setur layup. Kemur sér svo til baka og les auðveldlega sóknarkerfi Toronto - stígur út Chris Bosh og kemst inní sendinguna.  98-97 og Kanadapiltar komnir í sumarfrí.

Eina spennandi serian austan megin en þó ekki.  Flestir spáðu einmitt sigri Nets í þessum 6-7 leikjum. Spáði reyndar sjálfur 4-3 fyrir Toronto en er frekar sáttur að hafa rangt fyrir mér í þetta skiptið.

Eins eðlilegt og það er - þá var Jason Kidd með þrefalda tvennu að meðaltali í seriunni (14-13-10).  Nokkuð vel af sér vikið af 34 ára gömlum manni sem rétt slefar í 1.90. Snillingur.

En svo er þetta allt að fara í gang í kvöld.  Í hinni margrómuðu Detroit borg taka heimamenn á móti Chicago Bulls í fyrsta leik 2. umferðar.  Ben Wallace mætir á kunnuglegar slóðir og fær að berja á gömlum félögum. Þetta verður rosalegt. Úrslitaseria austursins að margra mati.

Svo vestur í Texas er víst líka einhver bland-í-poka leikur hjá þessum tveimur liðum sem hafa enn ekki klárað 1.umferðina.  Held ég haldi með Utah - þó að Golden State ætti sennilega meira breik í Houston. Æjh mér er slétt.

NBA TV kl. 2300

Detroit Pistons - Chicago Bulls

Athugasemdir

[Jói (IP-tala skráð) 5.5.2007 kl. 23:17]

Fínt hjá Nets að klára þessa viðureign, en mikið var Vince Carter slakur á köflum. Átti eina hrikalega troðslu, en þess utan var hann í tjóni. Fór langa leið með að tapa leiknum með þriggja stiga skottilraun af 30 fetum með mann í fésinu þegar 30 sek voru eftir. Sem betur fer fyrir hann náði RJ að klára þetta með góðri hreyfingu. Mér hefur samt fundist Nets ósannfærandi í þessari seríu. Þegar Bostian Nachbar og Mikki Moore eru orðnir helstu mennirnir undir körfunni þá er ástandið svart.

Held samt að Nets eigi ekki mikið í Cleveland að gera. Cleveland eru vanir að taka mörg fráköst í hverjum leik og NJ Nets eru sorglegir í fráköstum. Það er einmitt ekki jákvætt að Jason Kidd sé með 10 fráköst í leik fyrir Nets, það er veikleika merki þeirra. Ef liðin halda áfram að spila þennan göngubolta þá á Cleveland eftir að taka þetta í 6 leikjum.

[Íþróttir á blog.is, 6.5.2007 kl. 02:33]

Skemmtileg lýsing á Nets liðinu. En hversu hrikalega lélegir voru Toronto þá?
Menn geta talað um reynsluleysi og þar eftir götunum en Nets átti allan tímann skilið að klára þessa seriu.

En það er ótrúlega hvað Traveling King getur borið þetta Cleveland lið langt á bakinu.
Ein stórstjarna, nokkrir meðalmenn og fullt af drasli. Hvernig gat þetta lið tekið 2. sætið í East?

Djöfull held ég með Nets.

[Jói (IP-tala skráð) 6.5.2007 kl. 13:20]

Raptors hafa verið týpiskt dæmi um overachievers. Já, manni fannst Nets alltaf átt að vera skrefinu á undan, en þeir áttu að klára seríuna miklu fyrr. Raptors átti ágætis kafla í þessari viðureign, sérstaklega í byrjun leiks 5, en að mestu leiti voru þeir ekkert sérstakir (naumast að maður leyfir sér að hrauna yfir önnur lið þegar Warriors er loksins eitthvað að geta)

Held mikið upp á Kidd og LeBron. Má vera að LeBron komist upp með eitt og eitt skref, en hann er ógeðslega góður. Er nánast á milli steins á sleggju í þessari seríu, en hef mikið meiri trú á Cavs. Hef aldrei haft neina trú á þessum kvartett hjá Nets, þetta lið er bara svo fáranlega uppsett. Cavs er kannski borið upp af LeBron en þeir hafa leikmenn sem geta gert alls konar hluti, sérstaklega tekið endalaus fráköst, jafnvel spilað vörn, og skorað nokkur stig, en Nets hafa ekkert svoleiðis. Meira að segja byrjunarmiðherji Nets getur minna en ekkert. Held að menn hafi bara gleymt honum og svo sé hann bara að flækjast fyrir. Það segir mikið ef menn séu byrjaðir að hampa Mikki Moore fyrir að vera með 7 og 7 í seríunni.

Ég held að Cavaliers séu bara að hagnast rosalega á hvernig austrið er. Þetta eru allt saman lið sem spila göngubolta og það hentar Cavaliers mjög vel, enda eru þeir með massívt lið og eina súperstjörnu. 

[Íþróttir á blog.is, 6.5.2007 kl. 13:42]

Já LeBron er hrikalega góður og það er oft fáránlega gaman að horfa á hann. En mér finnst restin af þessu liði ekkert sérstaklega mikið augnayndi.

Nets eru auðvitað með þetta bakvarðar duo sem geta á góðum degi gert fáránlega hluti. Svo er Jefferson fínn leikmaður.
Þeir voru svo með Krstic í fimmunni og það er leikmaður sem getur gert ágætis hluti þar.  En hann meiddist snemma á tímabilinu og er alveg út. Þar voru þeir ekki með neitt back-up plan. Eru að reyna að bjarga sér með Moore og Collins.
Það hefur skilað þeim lengra en margir höfðu þorað að vona.