Nets í 3-1

New Jersey Nets var að vinna Toronto Raptors í þriðja sinn.
Leikurinn var frá 1. mínútu afar óspennandi og endaði með 102-81 sigri Nets en byrjunarliðsmenn beggja liða spiluðu nánast ekkert allan 4. leikhluta.

Toronto liðið réði ekkert við Vince Carter frekar en fyrri daginn og skoraði hann 27 stig, tók 9 fráköst og gaf 6 stoðsendingar.  Jason Kidd skoraði 17 stig, gaf 13 stoðsendingar og tók 6 fráköst.

Nýliðinn Andrea Bargnani skoraði 16 stig í annars mjög lélegu Toronto liði.

Fljótlega hefst svo leikur Golden State og Dallas í Oakland þar sem heimamenn freista þess að komast í 3-1 gegn deildarmeisturum Dallas.