Ha Alfreð, leyfðu Slóvenar Frökkum að vinna ?

Ótrúlega finnst mér þetta skrítin fullyrðing, að Slóvenar hafi verið búnir að fyrirfram gefa leikinn við Frakka til að einbeita sér að leiknum gegn Íslandi. 

Í fyrsta lagi þá hélt ég að lið færu í alla leiki í Heimsmeistaramóti til þess að vinna og auk þess þá unnu Íslendingar leik sinn við Frakka býsna sannfærandi.

Alfreð: Leikurinn við Slóvena verður að vinnast

NBA 25. jan. 2007

Chicago Bulls vann góðan sigur á heimavelli í nótt.  Chicago byrjuðu leikinn af miklum krafti, gerðu fyrstu körfu leiksins, voru 27-13 yfir eftir fyrsta leikhluta og létu forystuna ekki af hendi það sem eftir lifði leiks.  Lokatölur 96-85.

 

Allt Chicago liðið var að spila gríðarlega vel og voru 4 leikmenn sem fóru í tveggja stafa tölu með Ben Gordon fremstan í flokki aldrei þessu vant.  Auk þess að skora 30 stig tók Gordon 6 fráköst og gaf 5 stoðsendingar.  Loul Deng skoraði 21 stig og tók 9 fráköst en Big Ben Wallace tók 17 fráköst og varði 4 skot.

 

Ben Gordon hefur í síðustu leikjum slegið á þær gagnrýnisraddir að hann geti ekki spilað í byrjunarliðinu. Hann hefur nú byrjað síðustu 6 leiki og sett yfir 20 stig í 5 af þeim, þar af tvisvar 30+.

Þetta geta hinsvegar mögulega verið síðustu leikir hans fyrir Chicago liðið þar sem bandarískir fjölmiðlar hafa haldið því fram síðustu daga að Chicago sé búið að bjóða Memphis Grizzlies þá Ben Gordon og P.J. Brown í skiptum fyrir Pao Gasol

 

Í liði Dallas sem átti ekki góðan dag var Dirk Nowitski stigahæstur með 28 stig og 11 fráköst en nýting hans í leiknum var ekki góð, hitti einungis úr 7 skotum af 22 en var þó drjúgur á vítalínunni.  Jerry Stakhouse kom næstur með 16 stig af bekknum.  Dallas hafði fyrir leikinn unnið 8 leiki í röð en þurfa nú að byrja að telja aftur en næsti leikur er á móti Sacramento á morgun.

  Meiri spenna var í leik L.A. Clippers og Jew Jersy Nets sem endaði með sigri Clippers 102-101.  Cuttino Mobley setti þrist fyrir Clippers þegar hálf sekúnda var eftir á klukkunni en þetta var þriðji leikur vikunar þar sem New Jersy tapar á síðasta augnabliki leiksins. 

Stigaskorið hjá heimamönnum í Clippers var mjög jafnt þar sem Maggette og Brand skoruðu 18 stig en Mobley setti 17.  Sam Cassell gaf svo 10 stoðsendingar.

 

Vince Carter átti góðan leik hjá New Jersey og minnti á sig með 33 stigum eftir að fyrr um kvöldið hafi verið tilkynnt að Carter ætti ekki sæti í byrjunarlið Austurstrandarinnar í Stjörnuleiknum.  Nachbar setti 16 stig og Williams 16.

NBA: Chicago stöðvaði Dallas

NBA All-Star Game

 

 

Rétt í þessu var verið að tilkynna byrjunarliðin í All-Star leiknum sem fer fram í Vegas 19. febrúar.

Austurströndin	Vesturströndin
F – LeBron James, Cleveland	F – Kevin Garnett, Minnesota
F – Chris Bosh, Toronto	F – Tim Duncan, San Antonio
C – Shaquille O’Neal, Miami	C – Yao Ming, Houston
G – Dwyane Wade, Miami	G – Kobe Bryant, L.A. Lakers
G – Gilbert Arenas, Washington	G – Tracy McGrady, Houston

Lebron James var efstur í kosningunni en á eftir honum kom Yao Ming.

Óvíst er þó um þátttöku Yao í leiknum sökum meiðsla sem hafa hrjáð hann
allt tímabilið.

Hver ?

Hver er maðurinn?

Spilar í of litlum skóm til að fæturnir á honum virðist ekki of stórir
Er góður vinur rapparans The Game
Borðaði 12 hamborgara á leið í útileik á móti Toronto

Svarist í athugasemdum

 

Björn Vilhjálmsson var fljótur að svara og er þetta auðvitað Washington leikmaðurinn og snillingurinn Gilbert Arenas.

Læt svo fylgja með nokkrar fleiri skemmtilegar staðreyndir:

• Keyrir alltaf á sömu akgrein á leið í leiki
• Leggur bílnum á sama stað
• Hlustar á sömu tónlist í sömu röð fyrir leiki
• Tekur skot frá miðju áður en hann er tilbúinn í leiki
• Notar sama boltann alla upphitunina
• Skiptir um skó eftir 1. leikhluta ef honum gengur illa
• Fór í sturtu í búningnum og skónum í hálfleik á móti San Antonio af því að hann var ósáttur við leik sinn.  Skoraði 24 stig í seinni hálfleik
• Situr við skápinn sinn og spilar póker í tölvu í hálfleikshléum
• Æfði sig í að sofa í sófanum af því hann vill ekki að konur snerti hann þegar hann er sofandi
• Eyðir mestum frítíma sínum í að spila Halo leikinn í Xbox
• Flippaði pening 10 sinnum uppá hvort hann ætti að fara í Washington eða Clippers.  Þegar Clippers kom upp í 8. skiptið sagði hann að vissi þá að hann þyrfti að fara ”against the odds”

Að lokum verður svo að koma myndband af því þegar hann setti 3ja stiga buzzer sem tryggði þeim sigur á Utah um daginn.  Einstaklega skemmtilegt hvernig hann snýr sér við og byrjar að fagna áður en boltinn fer ofan í körfuna.

 

http://www.youtube.com/watch?v=upjWBobZlns

Laddi á FM

Aðstandendur Hlustendaverðlauna FM 957 voru áberandi í fjölmiðlum vikuna fyrir hátíðina við að svara fyrir hvernig á því stæði að flestar tilnefningar fyrir lag og plötu ársins 2006 væri frá árinu áður, 2005.

Dagskrárgerðarstjóri þeirra FM manna skýrði þetta m.a. annars svona á heimasíðu sinni:

"Eitthvað hefur borið á því að tónlistaráhugamenn þjóðarinnar séu að skrifa um Hlustendaverðlaun FM957, sem er gott, en mættu kannski hafa meiri upplýsingar um hátíðina sjálfa. Það sem er aðallega verið að skrifa um er varðandi að plötur sem komu út á árinu 2005, og að það þyki í meira lagi skrítið að lög af þeirri plötu séu tilnefnd fyrir árið 2006. Ég get upplýst menn og konur þjóðarinnar um það að það eru engin geimvísindi á bakvið þetta. Þetta snýst bara um smáskífuröð og hvenær lögin voru í spilun á FM957, og hefur ekkert með neitt annað að gera..."

Jæja allt í lagi, ég er ekki að kaupa þessi rök en segjum svo að ég sættist á þetta í smástund.
Þá kom trompið.  Hver ætli hafi hlotið heiðursverðlaun FM 957 ?

Jónsi, Friðrik Ómar eða Silvía Nótt ?? Heyrðu nei hver annar en LADDI hlaut verðlaunin.

Aldrei hef ég vitað til þess að Laddi hafi nokkurn tímann verið spilaður á FM eða komið að stöðinni á nokkurn annan hátt.

Mér er ljóst að það er búið að ræða þetta mikið en ég var bara að reka augun núna í þessi blessuðu heiðursverðlaun sem fullkomnuðu hversu mikil peninga- og tímasóun þessi hátið er.

Jeff Who? kom, sá og sigraði

Keisarinn segir Lampard betri en Ballack

Það eru eflaust margir sammála því að Michael Ballack hafi ekki staðið undir væntingum eftir skiptin til Chelsea  og jafnvel enn fleiri, þar á meðal undirritaður sem halda því fram að hann sé einfaldlega búinn að vera skelfilega lélegur.

Rak augun í grein inná Sky Sports síðunni um Ballack og er þar viðtal við Keisarann sjálfan, Franz Beckenbauer þar sem hann talar um að Ballack hafi gert mistök með því að fara til Chelsea og vill mein að hann hefði frekar átt að fara til Man Utd.

Það sem mér finnst merkilegt er að það er vitnað í Beckenbauer þar sem hann segir:

"I cannot see a place for Ballack at Chelsea," Beckenbauer said.
"As you can see, the game mostly passes him by. Frank Lampard is stronger and takes his position.
"He [Ballack] would have been better off at Manchester United."

Get ekki neitað að það kemur gríðarlega á óvart að sjá hinn eina sanna Franz Beckenbauer játa því í breskum fjölmiðlum að einhver Tjalli sé betri en þýski landsliðsfyrirliðinn!

En mikið er ég sammála honum

Heimild: Sky Sports

NBA 24. jan. 2007

 

Nokkrir skemmtilegir leikir fóru fram í nótt.  Framlengingar, flautukörfur

og allur pakkinn.  Kíkjum á úrslitin.

Philadelphia 76ers 118,  Iguodala 34 Stig, 4 Fráköst, 9 Stoðsendingar

Cleveland Cavaliers 115,  James 39 Stig, 10 Fráköst, 5 Stoðsendingar

 

*Leikurinn var tvöfalt framlengdur

*LeBron James átti möguleika á að jafna leikinn þegar 2 sekúndur voru

  til leikshluta en skot hans geigaði

 

Atlanta Hawks 82,  Smith 21 Stig, 11 Fráköst, 2 Stoðsendingar

Boston Celtics 76,  Perkins 15 Stig, 12 Fráköst, 2 Stoðsendingar

*Tyronn Lue og Lorenzen Wright sem báðir byrjuðu inná í liði Atlanta skoruðu samtals 2 stig.
*Þau voru í boði Lue 

Toronto Raptors 90,  Bosh 35 Stig, 7 Fráköst, 4 Stoðsendingar

New Orleans Hornets 88,  Jackson 17 Stig, 6 Fráköst, 6 Stoðsendingar

 

*Hæsta stigaskor Bosh á tímabilinu

*Chris Paul og Peja Stojakovic eru enn meiddir hjá New Orleans

 

Detroit Pistons 103,  Hamilton 22 Stig, 1 Frákast, 1 Stoðsending

Charlotte Bobcats 92,  Wallace 29 Stig, 11 Fráköst, 1 Stoðsendingar

 

*Chris Webber stimplaði sig ágætlega inn í lið Detroid og skoraði 19 stig,

  tók 6 fráköst og gaf 3 stoðsendingar

*Emeka Okafor tók 16 fráköst fyrir Charlotte

 

Houston Rockets 90,  McGrady 37 Stig, 8 Fráköst, 3 Stoðsendingar

San Antonio Spurs 85,  Duncan 37 Stig, 10 Fráköst, 4 Stoðsendingar

 

*McGrady virðist vera að komast í gang og er með 31 stig að meðaltali

  í síðustu 5 leikjum

*Hæsta stigaskor Duncan á tímabilinu

 

Memphis Grizzlies 132,  Atkins 29 Stig, 4 Fráköst, 15 Stoðsendingar

Utah Jazz 130,  Boozer 39 Stig, 15 Fráköst, 1 Stoðsending

 

*Framlengdur leikur

*Eddie Jones trygði Memphis sigurinn með flautukörfu

*Pau Gasol með 17 stig, 13 fráköst og 12 stoðsendingar hjá Memphis

*Deron Williams gaf 21 stoðsendingu á liðsfélaga sína í Utah

  

Sacramento Kings 114,  Artest 36 Stig, 5 Fráköst, 3 Stoðsendingar

Milwaukee Bucks 106,  Boykins 36 Stig, 4 Fráköst, 5 Stoðsendingar

 

*Boykins setti persónulegt met í stigum, bætti það um 3 stig en fyrra metið

  var frá því fyrr á þessu tímabili. Minni á pistil um hann neðar á síðunni

 

Portland Trail Blazers 101,  Randolph 22 Stig, 15 Fráköst, 1 Stoðsending

Minnesota Timberwolves 98,  Garnett 31 Stig, 8 Fráköst, 3 Stoðsendingar

 

*Framlengdur leikur

*Fyrsti leikur Randy Wittman sem þjálfara Minnesota
*Fimmti tapleikur Minnestota í röð 

Golden State Warriors 110,  Harrington 29 Stig, 4 Fráköst, 4 Stoðsendingar

New Jersey Nets 109,  Kidd 26 Stig, 10 Fráköst, 7 Stoðsendingar

 

*Monta Ellis breytti stöðunni úr 108-109 í 110-109 á síðustu sekúndu leiksins

  og kláraði þar með leikinn fyrir Golden State

  

New York Knicks 107,  Crawford 29 Stig, 6 Fráköst, 11 Stoðsendingar

Phoenix Suns  112,  Stoudemire 30 Stig, 11 Fráköst

 

*Steve Nash gaf 14 stoðsendingar í liði Pheonix

*David Lee tók 14 fráköst fyrir New York

*15. sigurleikur Pheonix í röð

  

Indiana Pacers 96,  Murphy 17 Stig, 12 Fráköst, 2 Stoðsendingar

Miami Heat 94,  Wade 32 Stig, 5 Fráköst, 8 Stoðsendingar

 

*Framlengdur leikur

* Shaquille O'Neal lék að nýju með Miami.  Skoraði 5 stig og tók 5 fráköst á 14 mínútum

 

AI í hóp góðra manna

Með layup-i eftir rétt tæpar 22 mínútur í leik Denver og Seattle setti Allen Iverson niður sín 20.000 stig í NBA deildinni og komst í hóp snillinga á borð við Wilt Chamberlain, Kareem Abdul-Jabbar og Michael Jordan.

Iverson er 30. leikmaðurinn til að komast inná þennan lista sem inniheldur helstu stjörnur deildarinnar frá upphafi.

Hér fylgir svo listinn í heild sinni. 

 

	Leikmaður	Leikir	Stig	Meðaltal
1	Kareem Abdul-Jabbar	1560	38.387	24,6
2	Karl Malone	1476	36.928	25,0
3	Michael Jordan	1072	32.292	30,1
4	Wilt Chamberlain	1045	31.419	30,1
5	Moses Malone	1329	27.409	20,6
6	Elvin Hayes	1303	27.313	21,0
7	Hakeem Olajuwon	1238	26.946	21,8
8	Oscar Robertson	1040	26.710	25,7
9	Dominique Wilkins	1074	26.668	24,8
10	John Havlicek	1270	26.395	20,8
11	Alex English	1193	25.613	21,5
12	Reggie Miller	1389	25.279	18,2
13	Jerry West	932	25.192	27,0
14	Shaquille O'Neal	945	24.820	26,3
15	Patrick Ewing	1183	24.815	21,0
16	Charles Barkley	1073	23.757	22,1
17	Robert Parish	1611	23.334	14,5
18	Adrian Dantley	955	23.177	24,3
19	Elgin Baylor	846	23.149	27,4
20	Clyde Drexler	1086	22.195	20,4
21	Larry Bird	897	21.791	24,3
22	Gary Payton	1302	21.660	16,6
23	Hal Greer	1122	21.586	19,2
24	Walt Bellamy	1043	20.941	20,1
25	Bob Pettit	792	20.880	26,4
26	David Robinson	987	20.790	21,1
27	George Gervin	791	20.708	26,2
28	Mitch Richmond	976	20.497	21,0
29	Tom Chambers	1107	20.049	18,1
30	Allen Iverson	713	20.015	28,1

Earl Boykins

Ef það er einhver leikmaður sem komið hefur á óvart í NBA deildinni í ár þá er það klárlega hinn smái en knái Earl Boykins. Boykins sem er 1.65 á hæð er minnsti leikmaður deildarinnar og sá næstminnsti í sögunni, aðeins Muggsy Bogues (1.60) er minni.  Boykins er ekki bara lágvaxinn heldur er hann einungis 60 kg. en tekur þó að sögn liðsfélaga sinna 140 kíló í bekk !, geri aðrir betur.

Boykins hóf feril sinn í deildinni með New Jersey árið 1998 en fékk lítið að spreyta sig og árið 2000 gekk hann til liðs við L.A. Clippers eftir að hafa komið við hjá bæði Cleveland og Orlando.  Hann spilaði tvö tímabil með Clippers og það var ekki fyrr en á seinna tímabilinu sem hann lék sinn fyrsta leik sem byrjunarmaður í NBA en byrjaði þó bara tvo leiki af 68. Næsta tímabil lá leiðin í Golden State en þar voru tækifærin ekki mikið fleiri, hann spilaði þó 68 leiki en byrjaði aldrei.  Hann entist ekki lengi hjá Golden State og árið 2003 gekk hann til liðs við Denver.  Þetta reyndist mikið framfaraskref og í fyrsta skipti var hann að spila meira en 20 mínútur að meðaltali í leik sem skilaði sér í 10.2 stigum en hann hafði aldrei farið yfir 10 stigin að meðaltali áður.  Hann spilaði vel næstu tvö tímabil hjá Denver og var þrátt fyrir að ná ekki að tryggja sér sæti í byrjunarliðinu mikilvægur hluti af Denver liðinu.  Það var svo í byrjun þessa tímabils sem Boykins sló í gegn. Í þeim 31 leik sem hann spilaði skoraði hann að meðaltali 15.2 stig sem var það langhæsta hjá honum á ferlinum og gaf auk þess rúmar 4 stoðsendingar og bætti við 2 fráköstum.

Með tilkomu Allen Iverson í desember sáu forráðamenn Denver hinsvegar fram á að þurfa að lækka launakostnaðinn hjá liðinu og ákváðu að láta Boykins fara.  Milwaukee sem hafði verið í mikul meiðslavandræðum allt tímabilið voru fljótir að semja við hann og nú lítur út fyrir að það sé að hefjast nýr kafli á ferli þessa litla en gríðarlega snögga leikmanns.
Hjá Milwakukee hefur hann byrjað gríðarlega vel.  5 leikir, allir í byrjunarliðinu, 40.6 mínútur, 2.8 fráköst, 6.2 stoðsendingar og 18 stig eru frábærar tölur og þó að liðinu hafi ekki gengið sem best þá verður að taka með í reikninginn að þeir eru með mjög góða leikmenn í þeim Michael Redd, Maurice Williams og Charlie Villanueva en þeir hafa allir misst af síðustu leikjum vegna meiðsla.

Hvort Boykins haldi sæti sínu í byrjunarliðinu þegar Þeir Redd og Williams koma til baka verður að koma í ljós en það er klárt mál að hann hefur stimplað sig betur inn en menn þorðu að vona og sett Terry Stotts þjálfara í erfiða aðstöðu þegar kemur að því að velja liðið með alla klára.

 

Þjálfaraskipti hjá Timberwolves

 

Dwayne Casey þjálfari Minnesota Timberwolves í NBA deildinni var í gær rekinn frá liðinu eftir 4. tap liðsins í röð, nú gegn Utah.  Liðinu hefur þó gengið ágætlega á tímabilinu, er með 50% vinningshlutfall og er í 8. sæti Vesturdeildarinnar og þar með eins og staðan er í dag inni í úrslitakeppninni en þangað hefur liðið ekki komist síðan tímabilið 2003-2004 þegar þeir töpuðu í úrslitum Vestursins gegn LA Lakers.

Casey hafði stýrt liðinu síðan í Júní 2005 en áður hafði hann verið aðstoðarþjálfari hjá Seattle, þjálfað í Japan og í Háskólaboltanum.  Þar var hann dæmdur í ævilangt bann árið 1990 eftir að hafa verið sakaður um ólöglegar greiðslur til leikmanna, en þær voru þó aldrei sannaðar á hann.

Við liðinu tekur nú aðstoðarþjálfarinn Randy Wittman sem áður þjálfaði Cleveland á árunum 1999-2001.  Fyrsti leikur hans er í kvöld gegn Portland og verður athyglisvert að sjá hvort hann geti snúið við blaðinu og komið liðinu á sigurbraut á ný.

 

NBA 23. janúar 2007

6 leikir spilaðir í nótt og lítið um óvænt úrslit.

Orlando  95 - 111 Dallas
Nelson 23/3    Nowitzki 33/10/8       
                                       
Philadelphia 102 - 96 New Orleans
Korver 25/4            Brown 24/3             
                                       
Washington 105 - 127 Phoenix
Arenas 31/5           Nash 27/3/14           
                                       
Chicago 94 - 86 Atlanta
Deng 18/5      Johnson 29/4           
                                       
Seattle 112  -  117 Denver       
Allen 44/3         Anthony 34/9, Iverson 21/10           
                                       
LA Clippers 115-96 Milwaukee 
Brand 25/7           Bell 24/6             

Upplausn

Klárlega skyldusigur hjá Chelsea sem eru komnir í úrslit Deildarbikarins.

Það sem vakti hinsvegar mikla athygli í kvöld er að Jose Mourinho var greinilega mjög ósáttur með að Andriy Shevchenko skyldi einungis hafa skorað tvö mörk og breytti þar engu að hann skyldi hafa lagt upp það þriðja.  Mourinho refsaði Shevchenko svo fyrir þetta þegar hann tók hann útaf á 84. mínútu og má búast við mikilli upplausn innan Chelsea liðsins í kjölfarið.

Næsta víst þykir að Roman Abramovich hafi misst þolinmæðina gagnvart Mourinho við þessa skiptingu og má ætla að Mourinho verði látinn fara fyrir vikulok og mun Abramovich taka sjálfur við liðinu fram á vor.  Honum til aðstoðar verður Peter Kenyon.

Chelsea komnir í úrslit deildabikarsins

Gasol á leið frá Memphis ?

Pau Gasol leikmaður Memphis Grizzlies hefur óskað eftir að fara frá liðinu. 
Gasol er Spánverji, fæddur 1980 og spilar í stöðu kraftframherja.  Hann hóf ferilinn með Barcelona á Spáni en kom inn í NBA deildina árið 2001 þegar hann var valinn nr. 3 í nýliðavalinu af Atlanta Hawks sem skiptu honum svo til Memphis. Hann spilaði gríðarlega vel á sínu fyrsta tímabili og var í kjölfarið valinn nýliði ársins.
Síðan þá hefur hann haldið áfram að spila vel og er með yfir ferilinn að meðaltali 18.6 stig, 3 stoðsendingar og 8.3 fráköst í leik.
Hann er auk þess algjör lykilmaður í Spænska landsliðinu og átti stóran þátt í að tryggja þeim Heimsmeistaratitilinn í fyrra þrátt fyrir að hafa misst af úrslitaleiknum vegna meiðsla. Gasol var svo valinn MVP í mótinu.

Memphis hefur gengið gríðarlega illa það sem af lifir tímabils og einunigs unnið 10 leiki, færri en öll önnur lið deildarinnar.

Vitað er af áhuga Chicago Bulls að nappa Gasol enda vantar Chicago liðið stóran mann í þessa stöðu, en Gasol er 2,13 cm á hæð.
Til að fá Gasol þyrfti Chicago að láta á móti P.J. Brown og svo eina af stjörnum liðsins, Kirk Hinrich, Loul Deng eða Ben Gordon.
Það er alveg ljóst að þrátt fyrir að Gasol yrði liðinu mikill liðstyrkur þá mundi það vekja nokkra óánægju í Chicago að þurfa að missa einhvern af þessum þremur leikmönnum sem eiga að öðrum ólöstuðum stærstan þátt í þeim árangri sem Chicago hefur náð síðastliðin 2-3 tímabil.

NBA. 22. janúar 2007

NBA 22. jan 2007

Í nótt voru spilaðir 9 leikir í NBA deildinni.  Fátt var um óvænt úrslit en augu flestra beindust
að Denver Nuggets þar sem Carmelo Anthony og Allen Iverson voru í fyrsta sinn að spila saman.

Sjónvarpsleikur næturinnar á NBA TV var leikur Indiana Pacers (20-20) og Chicago Bulls (23-18). 
Tölfræðin var fyrir leikinn á bandi heimamanna í Indiana en þeir höfðu unnið síðustu 15 af 16
heimaleikjum á móti Chicago.
 
Með þá Ben Wallace, Ben Gordon og Andres Nocioni alla tæpa vegna meiðsla var
fyrirséð að Chicago gæti lent í vandræðum með hið nýja lið Indiana.
Það varð raunin og lenti Chicago í því að vera að elta allan leikinn og í hvert
skipti sem þeir litu út fyrir að ætla að jafna leikinn svöruðu Indiana menn.
Lokastaðan var 98-91 fyrir Indiana en þeir leiddu í hálfleik 60-43.
 
Hjá heimamönnum í Indiana var Jermaine O´Neal stigahæstur með 22 stig, Danny Granger
setti 19 og í sínum fyrsta leik í byrjunarliðinu setti hinn 38 ára gamli Darrell
Armstrong persónulegt met með 16 stigum, 10 stoðsendingum og 8 fráköstum og var
valinn maður leiksins. Það má til gamans geta að fyrir þennan leik var Armstrong með
3.8 stig, 1.5 stoðsendingu og frákast að meðaltali á tímabilinu.

Meiddur Ben Gordon fór fyrir Chicago liðinu í stigaskorun en hann skoraði 31 stig.
Luol Deng skoraði 18 og hirti 8 fráköst.

Orlando með Grant Hill og Dwight Howard sem aðalmenn vann góðan útisigur á Cleveland
90-79.  Hill skoraði 22 stig og tók 5 fráköst en Howard var með 18 stig og 13
fráköst.

LeBron James lét lítið fyrir sér fara í liði Cleveland að þessu sinni en var þó engu
að síður stigahæstur með 18 stig.  Larry Hughes og Damon Jones gerðu 16 hvor.

Þrátt fyrir að hvorki Dwayne Wade né Shaquille O´Neal léku með Miami gegn New York í
nótt áttu Miami ekki í miklum vandræðum í leiknum.  Miami var 40-12 yfir eftir fyrsta leikhluta
leikhluta og eftir það var ekki aftur snúið. Lokatölur 101-83

Jason Kapano var stigahæstur hjá Miami með 22 stig og 5 fráköst en í liði New York
skoraði Eddie Curry 26.

Sacramento vann New Jersey á heimavelli í spennandi leik sem endaði með minnsta mun, 88- 87.
Það var Mike Bibby tryggði Sacramento sigurinn með körfunsekúndum fyrir leikslok. 

Ron Artest skoraði 21 stig fyrir Sacramento og bætti við 7 fráköstum
Hjá New Jersy var Jason Kidd með þrefalda tvennu eina ferðina enn, 18 stig 10 stoðsendingar
og 10 fráköst.  

Leikur Denver og Memphis var fyrirfram áhugaverður í ljósi þess að þetta var fyrsti leikur
Carmelo Antony og Allen Iverson saman eftir að hann síðarnefndi gekk til liðs við liðið í desember.
Einnig var þetta fyrsti leikur Anthony eftir 15 leikja bannið sem hann hlaut fyrir slagsmálin
á móti New York. Tvíeykið eru tveir af þremur stigahæstu mönnum deildarinnar og
ekki voru allir á því þeir gætu báðir haldið upp þessu mikla skori.

Þeir fóru þó báðir yfir 20 stigin, Anthony með 28 og Iverson 23.  Marcus Campy sá um fráköstin
að þessu sinni og hirti 17 stykki en Denver vann leikinn með 115 stigum gegn 98.

Hjá Memphis átti Pau Gasol góðan leik, með 23 stig, 17 fráköst og 6 stoðsendingar.  Hann er þó
búinn að óska eftir því að fara frá Memphis og gæti það hugsanlega gerst innan fárra vikna.
Chicago eru eins og staðan er í dag taldir líklegastir til að fá hann í sínar raðir.

Í Kanada áttu heimamenn í Toronto auðveldan dag þar sem þeir unnu Charlotte auðveldlega 105-84.

Chris Bosh skoraði 20 stig fyrir Toronto en hjá Charlotte settu þeir Gerald Wallace og Raymond
Felton báðir 19 stig.

Kobe Bryant átti stórleik fyrir L.A. Lakers en hann skoraði 42 stig í 108-103 sigri á Golden State.
Al Harrington spilaði vel fyrir Golden State og skoraði 30 stig.

Minnesota mátti sætta sig við tap á útivelli á móti Utah þrátt fyrir endurkomu Ricky Davis og Kevin
Garnett í liðið. 

Utah sigraði 106-91 með 28 stig og 5 fráköst frá Mehmet Okur.
Ricky Davis skoraði 32 fyrir Minnesota.

Síðasti leikur næturinnar var svo viðureign Boston og San Antonio.  Fyrir leikinn hafði San Antonio
unnið 29 leiki og Boston tapað 27.  93-89 sigur San Antonio kom því ekki á óvart en Boston gerði
þó vel í því að hanga inn í leiknum allt til loka.

Tim Duncan var stigahæstur hjá San Antonio, setti 21 stig gaf 5 stoðsendingar og tók 9 fráköst.
Manu Ginobili og Tony Parker skoruðu báðir 15 stig.

Delonte West var stigahæstur hjá Boston með 27 stig.
Al Jefferson skoraði 26 og tók 14 fráköst.

NBA: Anthony búinn að afplána 15 leikja bann

Af hverju ?

Skil stundum ekki alveg hvað menn eru að pæla.

Lucas Neil er búinn að spila mjög vel með Blackburn síðustu tímabil og hafa lið á borð við Barcelona, AC Milan, Chelsea og Liverpool lýst yfir áhuga á að hann í sínar raðir.  Svo þegar það var ljóst að hann mundi fara í janúar var ljóst að Liverpool vildi hann ennþá og AC Milan vildi fá hann næsta sumar.  Hann velur engu að síður að ganga til liðs við West Ham.  Ekki það að ég hafi eitthvað útá West Ham að setja en veruleikinn er sá að liðið er í bullandi fallbaráttu og er eins og staðan er í dag með líklegri liðum til að falla úr Úrvalsdeildinni.  Persónulega hefði ég hinkrað og skoðað möguleika mína í vor og þá husganlega bara ganga til liðs við West Ham þá ef þeir halda sér í deildinni.

En það er greinilegt að peningarnir hans Björgólfs heilla.

Lucas Neill endanlega klár hjá West Ham