NBA 6. feb. 2007

 

 

Tracy McGrady fór á kostum í nótt þegar Houston Rockets marði nauman sigur á Memphis Grizzlies 98-90. McGrady gerði 33 stig, gaf 8 stoðsendingar og tók 6 fráköst fyrir Rockets sem léku án Yao Ming og munu gera áfram. Gert er ráð fyrir því að Ming komi aftur í leikmannahóp Rockets skömmu eftir Stjörnuhelgina 16.-18. febrúar. Þrátt fyrir fjarveru hans virðast Rockets leika vel án stjörnumiðherja síns. Frá því Ming meiddist 23. desember hafa Rockets unnið 15 leiki og tapað aðeins sex. Hjá botnliði Memphis var Pau Gasol að vanda atkvæðamestur og í nótt gerði hann 30 stig, tók 13 fráköst, gaf 5 stoðsendingar og varði 5 skot.

 

Önnur úrslit næturinnar:

 

New York Knicks 102-90 LA Clippers

Jamal Crawford og Eddy Curry 23 stig – Tim Thomas og Elton Brand 22 stig

 

Detroit Pistons 109-102 Boston Celtics

Chaunsey Billups 24 - Ryan Gomes 19

 

Milwaukee Bucks 116-111 Orlando Magic

Ruben Patterson 27 – Dwight Howard 21

 

Portland Trail Blazers 102–109 Phoenix Suns

Zach Randolph 33 – Amare Stoudemire 36

 

www.karfan.is

NBA: Enn tapar Boston

NBA 5. feb. 2007

Shaquille O´Neal virðist vera að ná heilsu á ný eftir löng og erfið meiðsli, en í nótt skoraði hann 22 stig á aðeins 21 mínútu í sigri Miami Heat á Charlotte. Dwyane Wade skoraði 27 stig og gaf 12 stoðsendingar fyrir Miami sem vann fjórða leikinn í röð, en Raymond Felton skoraði 20 stig fyrir Charlotte.

Stephen Jackson var sínum gömlu félögum í Indiana erfiður þegar hann skoraði 36 stig fyrir Golden State í góðum 113-98 útisigri á Indiana. Þessi lið gerðu stór leikmannaskipti fyrir nokkru, en mikil meiðsli eru í herbúðum Golden State þessa dagana. Jermaine O´Neal var stigahæstur í liði Indiana með 24 stig.

Kobe kláraði Atlanta

LA Lakers skellti Atlanta á útivelli 90-83 og vann þar með báða leiki sína gegn Atlanta í fyrsta skipti í sjö ár. Það verður að teljast nokkuð ótrúleg tölfræði í ljósi þess að Atlanta hefur verið eitt af slakari liðum deildarinnar allan þann tíma. "Það var gott að losna við þessi álög. Ég veit ekki af hverju, en okkur hefur alltaf gengið bölvanlega hérna í Atlanta," sagði Phil Jackson, þjálfari Lakers. Kobe Bryant hafði hægt um sig þangað til í fjórða leikhlutanum en skoraði þá 9 stig í röð og tryggði Lakers sigurinn. Bryant skoraði 27 stig í leiknum líkt og Joe Johnson hjá Atlanta.

Enn eitt grátlegt tapið hjá Nets

New Jersey tapaði fjórða leiknum í röð og annað kvöldið í röð í framlengingu þegar liðið lá fyrir Philadelphia 100-98, en New Jersey hefur tapað grátlega mörgum leikjum á lokasekúndunum síðustu vikur. Vince Carter skoraði 23 stig og hirti 10 fráköst fyrir New Jersey en Andre Iguodala skoraði 23 stig og gaf 15 stoðsendingar fyrir Philadelphia, sem hefur gengið ótrúlega vel síðan þeir Allen Iverson og Chris Webber fóru frá liðinu.

Okur drjúgur á lokasprettinum

Utah lagði Chicago á heimavelli sínum í beinni á NBA TV. Þetta var í fyrsta sinn í fimm ár sem Utah vinnur báða leiki sína gegn Chicago. Það var tyrkneski miðherjinn Mehmet Okur sem tryggði Utah sigurinn með því að skora 12 af síðustu 14 stigum Utah á lokasprettinum. Okur skoraði 20 stig í leiknum og Deron Williams skoraði 19 stig og gaf 13 stoðsendingar. Kirk Hinrich skoraði 26 stig fyrir Chicago.

Melo með þrennu í tapi Denver

Phoenix vann mikilvægan útisigur á meiðslum hrjáðu liði Denver 113-108 þar sem Amare Stoudemire skoraði 36 stig og hirti 13 fráköst fyrir Phoenix en Carmelo Anthony náði sinni fyrstu þrennu á ferlinum með 33 stigum, 10 fráköstum og 10 stoðsendingum. Steve Nash meiddist á öxl í leiknum og þurfti að fara af velli um miðbik leiksins. Allen Iverson og Marcus Camby spiluðu ekki með Denver vegna meiðsla.

Washington lagði Seattle 118-108 á heimavelli þar sem stjörnuleikmaðurinn Caron Butler réttlætti sína fyrstu ferð í stjörnuleik með 38 stigum. Ray Allen skoraði 29 stig fyrir Seattle sem tapaði sínum 15. útileik í röð.

Houston burstaði Minnesota 105-77 og hefur lið Minnesota nú ekki unnið leik síðan það vann óvæntan sigur á Phoenix á dögunum. Tracy McGrady skoraði 32 stig fyrir Houston en Kevin Garnett skoraði 18 stig og hirti 12 fráköst fyrir Minnesota.

Loks vann Sacramento góðan sigur á New Orleans 105-99. Ron Artest skoraði 21 stig, gaf 9 stoðsendingar og stal 5 boltum hjá Sacramento en Chris Paul skoraði 24 stig fyrir New Orleans.

www.visir.is

NBA: Shaq kominn á skrið

NBA 4. feb. 2007

 

Það voru þrír leikir spilaðir í nótt þar sem mesta spennan var í framlengdum leik New Jersey Nets og Atlanta Hawks.

Liðsmenn Detroit Pistons minntu LeBron James og félaga í Cleveland Cavaliers rækilega á það í nótt að liðið á enn nokkuð í að geta kallað sig stórveldi í Austurdeildinni. Detroit vann auðveldan útisigur á Cleveland 90-78 og var það fimmti sigur Detroit á Cleveland í röð í deildarkeppninni.

Stjörnuleikmaðurinn Chauncey Billups skoraði 18 stig og gaf 10 stoðsendingar fyrir Detroit og Chris Webber og Rasheed Wallace bættu við 15 stigum hvor í frekar fyrirhafnarlitlum sigri Detroit, sem sló Cleveland naumlega út úr úrslitakeppninni í annari umferð á síðustu leiktíð.

LeBron James skoraði 21 stig fyrir Cleveland, en bróðurpart stiganna skoraði hann þegar úrslit leiksins voru allt nema ráðin undir lokin. James hefur "aðeins" skorað rúm 23 stig að meðaltali í leik gegn Detroit síðan hann kom inn í deildina árið 2003 og er það þriðja lægsta meðaltal hans gegn nokkru liði í NBA.

LeBron James viðurkenndi að Detroit liðið hefði ráðið ferðinni og sagði liðið hættulegra nú þegar það væri komið með Chris Webber í stað Ben Wallace, sem fór til Chicago Bulls í sumar. "Það var alltaf þægilegra í vörninni þegar Wallace var í liðinu, því maður gat þó litið af honum. Með tilkomu Webber eru þeir nú komnir með byrjunarlið þar sem hver einasti maður getur skorað 20 stig í hvaða leik sem er," sagði James, en Cleveland er í bullandi vandræðum þessa dagana eftir góða byrjun í haust.


Detroit hefur unnið 15 leiki á útivelli og tapað aðeins 9 og er liðið með langbesta útivallaárangurinn í Austurdeildinni. Ekkert annað lið þar hefur unnið helming útileikja sinna eða meira. Fimm lið í Vesturdeildinni hafa 50% vinningshlutfall eða meira á útivöllum.

Toronto á fínu skriði

Aðeins tveir aðrir leikir fóru fram í NBA í nótt og lauk þeim frekar snemma vegna Superbowl leiksins í NFL. Toronto hélt áfram góðu gengi með því að vinna sannfærandi sigur á LA Clippers á heimavelli sínum 122-110. Chris Bosh skoraði 27 stig fyrir Kanadaliðið og sex leikmenn þess skoruðu 10 stig eða meira í þriðja sigri liðsins í röð. Cuttino Mobley skoraði 24 stig fyrir Clippers og Elton Brand skoraði 21 stig og hirti 10 fráköst.


Toronto hefur fyrir vikið náð þriggja leikja forystu í slökum Atlantshafsriðlinum, sem jókst enn frekar þegar Atlanta lagði New Jersey í nótt. Toronto liðið er allt að smella saman eftir að hafa bætt við sig nýjum mannskap í sumar og eru Evrópumennirnir í liðinu að setja skemmtilegan svip á liðið í bland við þá amerísku. Liðið hefur ekki verið með jafngóða stöðu svo seint á keppnistímabili síðan á leiktímabilinu 2001-02.

Sögulegur sigur Atlanta

Atlanta lagði svo New Jersey 101-99 á útivelli þar sem Tyronn Lue tryggði Atlanta sigurinn með flautukörfu í enda framlengingar. Þetta var þriðji útisigur liðsins í röð, en þeim árangri hefur liðið ekki náð síðan í desember árið 2000. Atlanta hefur unnið fimm af síðustu sjö leikjum sínum og verður það að teljast ansi gott af þessu liði sem verið í kjallara deildarinnar í mörg ár.

Það er kannski til marks um það hve veik Austurdeildin er um þessar mundir að þessi litla rispa Atlanta liðsins hefur orðið til þess að nú er liðið ekki nema um þremur leikjum frá Miami í keppni um síðasta sætið inn í úrslitakeppnina í Austurdeildinni.

Joe Johnson skoraði 37 stig og gaf 8 stoðsendingar fyrir Atlanta í leiknum en Vince Carter skoraði 27 stig, gaf 8 stoðsendingar og hirti 7 fráköst fyrir New Jersey.

www.visir.is

NBA: Skoraði sigurkörfuna þegar flautan gall

NBA 3. feb. 2007

Úrslit úr leikjum næturinnar:

Utah lagði Phoenix 108-105 á útivelli. Mehmet Okur skoraði 29 stig og hirti 12 fráköst fyrir Utah og Deron Williams skoraði 28 stig og gaf 10 stoðsendingar. Amare Stoudemire skoraði 28 stig og hirti 10 fráköst fyrir Phoenix.

LA Lakers kom fram hefndum á Washington með 118-102 sigri á útivelli. Kobe Bryant skoraði 39 stig fyrir Lakers en Gilbert Arenas var með 37 stig hjá Washington - en hann skoraði 60 stig þegar liðin mættust síðast í Los Angeles. 

Orlando tapaði heima fyrir New York 94-86 þar sem Eddy Curry skoraði 27 stig fyrir New York en Darko Milicic skoraði 19 stig fyrir Orlando.

Charlotte skellti Golden State 98-90. Baron Davis skoraði 21 fyrir Golden State en Rayymont Felton skoraði 22 stig fyrir Charlotte.

Indiana lagði Memphis 116-110 og vann þar með sjötta leik sinn af sjö. Pau Gasol skoraði 30 stig og hirti 9 fráköst fyrir Memphis en Jermaine O´Neal skoraði 25 stig og hirti 17 fráköst fyrir Indiana.

Dallas vann nauman sigur á Minnesota 94-93. Kevin Garnett skoraði 25 stig og hirti 12 fráköst, en Josh Hoard og Jason Terry skoruðu 22 stig fyrir Dallas.

New Orleans skellti Houston 87-74. Devin Brown skoraði 18 stig fyrir New Orleans en Tracy McGrady 18 fyrir Houston.

Miami valtaði yfir Milwaukee á útivelli 117-94 þar sem Dwyane Wade skoraði 32 stig og gaf 11 stoðsendingar fyrir Miami en Mo Williams skoraði 38 stig fyrir Milwaukee.

Chicago vann annan nauman útisigurinn í röð á keppnisferðalagi um norðvesturríkin þegar liðið skellti Portland 88-86. Ben Gordon skoraði 15 af 33 stigum sínum í fjórða leikhlutanum og Zach Randolph skoraði 27 stig fyrir heimamenn.

Loks tapaði Denver enn einum leiknum þegar það lá á útivelli gegn Sacramento 94-87. Carmelo Anthony skoraði 20 stig fyrir Denver en Kevin Martin 28 fyrir Sacramento - sem vann 20. heimasigurinn í röð á Denver. 

www.visir.is

NBA: Kobe Bryant vann einvígið við Gilbert Arenas

NBA 2. feb. 2007

  14 töp í röð

Tíu leikir fóru fram í NBA í nótt.

Indiana lagði LA Lakers 95-84. Kobe Bryant skoraði 22 stig fyrir Lakers og Jermaine O´Neal 22 fyrir Indiana, sem tryggði sér sigurinn með 17-2 spretti í fjórða leikhluta.

Golden State lagði Philadelphia 102-101 á útivelli. Baron Davis skoraði 25 stig og gaf 12 stoðsendingar hjá Golden State, en Andre Iquodala skoraði 25 stig, gaf 13 stoðsendingar og hirti 10 fráköst fyrir Philadelphia.

Toronto komst yfir 50% vinningshlutfall með því að skella Atlanta 103-91 á útivelli. Chris Bosh skoraði 24 stig og hirti 10 fráköst, en Joe Johnson skoraði 28 stig fyrir Atlanta.

New Orleans lagði Minnesota 90-83 þar sem Chris Paul skoraði 24 stig og gaf 8 stoðsendingar hjá New Orleans en Mark Blount skoraði 24 stig fyrir Minnesota.

Cleveland vann öruggan sigur á Charlotte 101-81. LeBron James skoraði 18 stig fyrir Cleveland og Gerald Wallace 16 fyrir Charlotte.

LA Clippers lagði Boston á útivelli 100-89. Elton Brand skoraði 26 stig og hirti 19 fráköst fyrir Clippers en Rajon Rondo setti 23 stig fyrir Boston.  Boston hafa nú tapað 14 leikjum í röð.

Detroit lagði Milwaukee 96-86. Chauncey Billups skoraði 20 stig og gaf 8 stoðsendingar fyrir Detroit en Andrew Bogut skoraði 21 stig og hirti 13 fráköst fyrir Milwaukee.

Orlando burstaði New Jersey 119-86. Vince Carter skoraði 25 stig fyrir New Jersey en Hedo Turkoglu skoraði 22 stig fyrir Orlando.

Denver lagði Portland í framlengdum leik 114-107. Zach Randolph skoraði 25 stig og hirti 9 fráköst fyrir Portland en Carmelo Anthony skoraði 33 stig fyrir Denver.

Loks vann Chicago góðan útisigur á Seattle 107-101 þar sem Luol Deng skoraði 27 stig og hirti 12 fráköst fyrir Chicago en Ray Allen skoraði 29 stig fyrir Seattle.

Að mestu leyti fengið lánað frá visir.is

NBA: 14. tap Boston í röð

Carmelo Anthony ekki valinn í All-Star leikinn

 

Í nótt voru tilkynntir hverjir yrði varamenn stjörnuliðana í All-Star leiknum sem fer fram um miðjan mánuðinn.  Byrjunarliðin höfðu núþegar verið tilkynnt eftir að netverjar höfðu kosið þá leikmenn sem skyldu byrja. Sjá betur hér http://ithrottir.blog.is/blog/ithrottir/entry/108994/

Það voru þjálfarar liðanna í deildinni sem kusu svo varamennina 7 sem voru eftirtaldir:

Vestur		Austur
Steve Nash – Phoenix		Caron Butler - Washington
Shawn Marion – Phoenix		Dwight Howard - Orlando
Amaré Stoudamire – Phoenix		Chauncey Billups - Detroit
Carlos Boozer – Utah		Richard Hamilton - Detroit
Allen Iverson – Denver		Jason Kidd - New Jersey
Dirk Nowitzki – Dallas		Vince Carter - New Jersey
Tony Parker - San Antonio		Jermaine O´Neal – Indiana

Það sem kemur mest á óvart í þessu vali er að Carmelo Anthony, stigahæsti leikmaður deildarinnar og jafnfram Besti leikmaður Bandaríska landsliðsins 2006 var ekki valinn í Stjörnuleikinn og má rekja það beint til þeirra agavandamála sem Anthony hefur átt við að stríða.
Það er þó ekki öll nótt úti enn fyrir Anthony því að Yao Ming hefur núþegar tilkynnt að hann muni ekki taka þátt í leiknum og auk þess er Carlos Boozer búinn að vera meiddur og er óvíst um hans þátttöku.  David Stern sjálfur mun því velja leikmenn í þeirra stað og þrátt fyrir að vera ekki mesti aðdáandi Anthony er talið líklegt að Stern velji hann til að taka þátt í leiknum

Það kom líka nokkuð á óvart að Ben Wallace var ekki valinn en það er þá í fyrsta sinn sem hann tekur ekki þátt í All-Star leik síðan 2001.

Dwight Howard, Carlos Boozer og Caron Butler hafa ekki áður verið valdir til að spila All-Star leik.

 

Luol Deng

         Luol Deng

Eftir mögur ár í kjölfar þess að Michael Jordan hætti árið 1998 eftir fékk Chicago Bulls liðið endurnýjun lífdaga með sterkum nýliðum á borð við Ben Gordon, Kirk Hinrich, Chris Duhon og Luol Deng fyrir 3-4 árum.

Luol Deng sem hefur spilað vel síðustu 2 tímabil og gjörsamlega slegið í gegn á fyrri helmings þessa tímabils með 17.8 stig, 6.8 fráköst, 2.2 stoðsendingar og 1.2 stolinn bolta.  Fortíð Deng er nokkuð athyglisverð en hann er fæddur árið 1985 í Afríku og er meðlimur í Dinka ættbálknum í Súdan en sagan segir að úr Dinka komi stærsta fólk í heimi.

Mjög ungur að aldri flutti Deng frá Súdan til Egyptalands ásamt fjölskyldu sinni til að forðast borgarastyrjöld sem átti sér stað í Súdan.  Í Egyptalandi kynntist Deng öðrum meðlimi Dinka ættbálksins, engum öðrum en Manute Bol sem flestir muna eflaust eftir úr Washington, Golden State og Philadelphia en hann átti það til að blokka eitt eða tvö skot í NBA deildinni á sínum tíma.  Í Egyptalandi náðu Deng og Bol mjög vel saman, Bol byrjaði að kenna Deng körfubolta og varð einskonar lærifaðir hans.

 

Nokkrum árum seinna fluttu svo Deng og fjölskylda hans til Englands, nánar tiltekið London.  Á Englandi hélt hann áfram að spila körfubolta af krafti en lék einnig knattspyrnu og var valinn í U-15 ára landslið Englendinga í knattspyrnu !  Körfuboltinn var þó áfram númer eitt og Deng var ekki nema 13 ára þegar hann lék með enska U-15 ára körfuboltalandsliðinu á European Junior National Tournament þar sem hann skoraði 40 stig og tók 14 fráköst að meðaltali í leik.  Deng var valinn MVP mótsins.

 

16 ára gamall var orðið ljóst að Deng var gríðarlegt efnu í körfubolta og fólk gerði sér grein fyrir að það væri kominn tími fyrir Deng að koma sér til Bandaríkjana.  Því flutti hann til New Jersey og byrjaði að leika með Blair Academy high school.  Á lokaári hans í high school var hann talinn næstmesta efni í Bandaríkjunum öllum, á eftir öðrum efnilegum dreng, að nafni LeBron James.  Á meðan LeBron fór beint í NBA deildina ákvað Deng að fara í Duke háskólann, einn af 10 bestu körfuboltaskólum í Bandaríkjunum. Hann dvaldi í eitt ár í Duke þar sem hann fór með liðinu í 4-liða úrslit. Deng skoraði 15.1 stig á eina ári sínu í háskóla. 

Hann var valinn nr.7 í 2004 draftinu af Phenoix Suns en þaðan fór hann strax til Chicago Bulls.  Á nýliða ári sínu hjá Bulls skoraði hann 11.7 stig að meðaltali, fór með liðinu í úrslitakeppnina í fyrsta skipti í mörg ár og var valinn í NBA All-Rookie First Team.
Næsta ár hækkuðu svo tölurnar hjá honum og endaði hann í 14.3 stigum og 6.6 fráköstum og lék hann sérstaklega vel í mars og apríl og var það ekki síst fyrir hans hlut að Chicago komst í úrslitakeppninga annað árið í röð.  Þar þurfti Deng þó að sætta sig við að byrja ekki, þar sem Andres Nocioni sló í gegn og hélt Deng á bekknum.
Eins og fyrr sagði hefur Deng svo spilað eins og engill í ár og verður fróðlegt að fylgjast með framhaldinu hjá þessum 21 árs gamla leikmanni.

NBA 30. jan. 2007

LA Lakers töpuðu þriðja leik sínum í röð í bandarísku NBA körfuboltadeildinni í nótt, nú fyrir New York Knicks, 99:94. Liðið spilaði án Kobe Bryant, helstu stjörnu sinnar, og hinir leikmennirnir hittu körfuna ekki nógu vel. Eddy Curry skoraði 27 stig fyrir heimamenn í New York og Lamar Odom 25 stig fyrir Lakers.

Úrslit annarra leikja voru þessi:

Indiana 103, Boston 96
Washington 104, Detroit 99
Cleveland 124, Golden State 97
Miami 110, Milwaukee 80
Dallas 122, Seattle 102.

mbl.is

NBA 29. jan. 2007

Kevin Garnett átti stórleik fyrir Minnesota Timberwolves í nótt þegar liðið stöðvaði 17 leikja sigurgöngu Phoenix Suns í NBA deildinni með 121-112 sigri

Denver á í bullandi vandræðum þrátt fyrir að vera komið með stjörnur sínar aftur til leiks og í nótt tapaði liðið 105-101 á heimavelli fyrir Charlotte. Allen Iverson skoraði 31 stig fyrir Denver en Gerald Wallace skoraði 25 stig og hirti 13 fráköst fyrir Charlotte. Þetta var þriðja tap Denver í röð.  

New Jersey lagði meiðslum hrjáð lið Utah Jazz á útivelli 116-115 þar sem Vince Carter skoraði 33 stig fyrir New Jersey og tryggði liðinu sigur með þriggja stiga körfu um leið og leiktíminn rann út. Deron Williams var stigahæstur hjá Utah með 25 stig.

Atlanta lagði Orlando 93-83 þar sem Grant Hill skoraði 21 stig fyrir Orlando en Joe Johnson skoraði 34 stig fyrir Atlanta.

New Orleans lagði Portland 103-91. David West skoraði 21 stig fyrir New Orleans en Zach Randolph skoraði 20 stig og hirti 13 fráköst fyrir Portland.

Memphis lagði Sacramento 124-117. Mike Bibby skoraði 23 stig fyrir Sacramento en Pau Gasol skoraði 34 stig fyrir Memphis.

Houston vann auðveldan sigur á Philadelphia 105-84. Tracy McGrady skoraði 25 stig fyrir Houston en Andre Iquodala skoraði 19 stig fyrir Philadelphia.

www.visir.is

NBA 27. jan. 2007

Sökum anna ætla ég að fá að stela þessu að mestu leyti af visir.is í þetta skiptið.

Meistarar Miami töpuðu í þriðja sinn á tímabilinu fyrir Chicago í nótt, 100-97. þar sem Shaquille O'Neal lék ekki með. Kirk Hinrich spilaði frábæra vörn á Dwayne Wade og Miami tapaði í fimmta sinn í síðustu sex leikjum.

O´Neal hafði spilað síðustu tvo leiki Miami eftir að hafa misst af 35 leikjum þar á undan, en forráðamenn Miami vilja ekki taka áhættuna á að láta hann spila tvo daga í röð. Þess vegna var risinn ekki í leikmannahópnum.

Ben Gordon skoraði 34 stig, gaf 7 stoðsendingar og tók 6 fráköst fyrir Chicago en að öðrum ólöstuðum var Kirk Hinrich maðurinn á bakvið sigur Chicago þar sem hann hélt Dwayne Wade, stórstjörnu Miami, í eins miklum skefjum og hægt er auk þess sem hann skoraði sjálfur 26 stig. (Þarna verð ég þó að vera ósammála blaðamanni.  Þáttur Gordon í leiknum var gríðarlega stór og auk þess tóku þeir Loul Deng og Ben Wallace saman 30 fráköst.  Eins er það þekkt staðreynd að Dwayne Wade er fæddur og uppalin í Chicago og hefur af einhverjum ásæðum aldrei náð sér á strik á móti þeim.)

"Ég held að við séum það lið í deildinni sem ráðum hvað best við Dwayne. Kirk á hrós skilið, hann er einstaklega góður í að þvinga menn upp í erfið skot og gerir ávallt vel með Dwayne," sagði Ben Gordon eftir leikinn. Dwayne Wade skoraði 24 stig í leiknum en átti samt sem áður í erfiðleikum.

Dallas vann sinn 13. heimasigur í röð þegar liðið lagði Sacramento naumlega af velli, 106-104. Dirk Nowitzki skoraði 32 stig fyrir Dallas.

Portland vann Memphis, 135-132, eftir tvíframlengdan leik. Zach Randolph náði sínu mesta stigaskori á ferlinum og setti niður 42 stig en hjá Memphis var Mike Miller stigahæstur með 32 stig.

Denver hefur ekki gengið sem best upp á síðkastið og í nótt tapaði liðið fyrir New Jersey, 112-102.

NO/Oklahoma vann Utah, 94-83, og Indiana sigraði Toronto með sannfærandi hætti, 102-84.

Þá vann Philadelphia góðan heimasigur á Atlanta, 104-89.

Golden State burstaði Charlotte, 131-105.

Minnesota vann loksins, nú LA Clippers örugglega, 101-87.

 

 

One Week Anniversary

Í dag (sunnudag) er ein vika síðan fyrsta færslan birtist hér á síðunni.
Síðan þá hafa verið settar inn 25 greinar, þar af 14 um NBA deildina.
Áhugi landans á NBA hefur aukist síðustu ár eftir niðursveifluna sem varð eftir að MJ lagði skóna á hilluna.  Þessi áhugi hefur þó ekki endurspeglast í umfjöllun íslenskra fjölmiðla sem leggja mjög litla áherslu á að birta úrslit og fréttir af NBA.  Það er einungis Karfan.is sem stendur sig með mikilli prýði í þeim málum.
Sjálfur fylgist ég vel með og hef mikinn áhuga á NBA,  ákvað ég því að setja inná þessa síðu nokkrar greinar.

Síðan fyrsta færslan leit dagsins ljós fyrir tæpri viku hafa heimsóknir á síðuna verið alls 2868 sem gera að meðaltali  478 heimsóknir á dag.  Af bloggsíðu að vera tel ég þessa aðsókn nokkuð góða og vona ég að hún stytti NBA aðdáendum stundir á netrúntinum.
Þessa stundina er síðan inná Top 50 mest sóttu blog.is síðurnar, fyrir ofan t.d. ágætan dóms- og kirkjumálaráðherra Björn Bjarnason sem mætti íhuga að bæta svolitlu NBA efni á síðuna sína :)

 

Með kveðju og von um áframhaldandi áhuga

 

 

 

 

Iceland Express Deildin - Tölfræði

Nú þegar öll liðin í Iceland Express Deildinni hafa spilað 14 leiki er Njarðvík efst með 22 stig en lið KR og Snæfells koma þar rétt á eftir með 20 stig.

Hér fylgir tölfræði yfir stigahæstu leikmenn deildarinnar auk þeirra sem hafa tekið flest fráköst og gefið flestar stoðsendingar.
Tölfræðin er tekin saman eftir 12 leiki en leikmenn sem hafa spilað færri en 5 leiki eru ekki teknir með.

	Leikmaður	Lið	Leikir	Mín.	Stig.		Leikmaður	Lið	Leikir	Mín.	Stoðs.
1.	Damon Bailey	Þór Þorl.	12	36,4	25,0	1.	Tyson Patterson	KR	12	35,2	7,7
2.	Lamar Karim	Tindastóll	12	37,6	24,2	2.	Adam Darboe	Grindavík	12	33,7	6,2
3.	Tim Ellis	Keflavík	8	30,3	22,4	3.	Nate Brown	ÍR	6	32,8	5,7
4.	Steven Thomas	Grindavík	12	35,6	22,1	4.	Sverrir Þ. Sverrisson	Keflavík	12	20,9	5,7
5.	Darrell Flake	Skallagrímur	12	34,4	20,8	5.	Jeb Ivey	Njarðvík	12	33,3	5,6
7.	Roni Leimu	Haukar	12	33,5	20,6
8.	Páll Axel Vilbergsson	Grindavík	12	36,6	20,3		Leikmaður	Lið	Leikir	Mín.	Fráköst
9.	Kareem Johnson	Fjölnir	7	35,3	20,0	1.	Darrell Flake	Skallagrímur	12	34,4	14,8
10.	Kevin Smith	Haukar	10	31,5	19,8	2.	George Byrd	Hamar	9	35,7	14,7
11.	Jeb Ivey	Njarðvík	12	33,3	19,3	3.	Friðrik Stefánsson	Njarðvík	12	30,4	11,2
12.	Nate Brown	ÍR	6	32,8	18,8	4.	Hlynur Bæringsson	Snæfell	12	33,9	11
13.	Jeremiah Sola	KR	12	30,2	18,8	5.	Steven Thomas	Grindavík	12	35,6	10,7
14	George Byrd	Hamar	9	35,7	18,3
15.	Nemanja Sovic	Fjölnir	12	33,5	18,0

Klassi

Frábær sigur og núna eru það bara 8-liða úrslitin.  Vil annars biðja liðið um að hafa þetta aðeins öruggara eða Actavis að redda mér einhverju við þessu því að þessi spenna er gjörsamlega að fara með mig.

Nú væri algjör draumur að klára Þjóðverjana og þannig fá örlítið slakari andstæðing í 8-liða úrslitunum.  Ef sá leikur klárast eru menn búnir að standa undir og fullkomna allar þær væntingar sem gerðar voru til liðsins.

P.S. Mikið er Logi að koma mér á óvart. Búinn að vera hrikalega drjúgur.

Ísland í 8-liða úrslit eftir sigur á Slóveníu

Ógleymanlegt

Góðir tímar...

1993

1998

...en af hverju hætti hann ekki þarna

 

NBA 26. jan. 2007

Atlanta 93: Johnson 39 stig

Orlando 90: Howard 19 stig
 

Toronto 96: Bosh 26 stig
Boston 90: Jefferson 20 stig

Cleveland 105: Gooden 21 stig
Philadelphia 97: Iquodala 22 stig
*LeBron James lék ekki með Cleveland vegna meiðsla

New York 116: Crawford 52
Miami 96: Wade 37
*Crawford setti 8 þrista úr 10 tilraunum

San Antonio 112: Duncan 26 stig, 13 fráköst
Memphis 96: Warrick 27 stig

New Orleans 88: Mason 24 stig
Sacramento 84: Martin og Bibby 21 stig

Phoenix 98: R.Bell 27 stig

Milwaukee 90: C.Bell 21 stig

*16. sigurleikur Pheonix í röð
 

Houston 99: McGrady 28 stig
Portland 69: Randolph 13 stig

Utah 116: Boozer 25 stig
Denver 111: Anthony 37 stig, Iverson 33 stig 

Seattle 102: Allen 36 stig
Minnesota 100: Smith 26 stig

Charlotte 106: Carroll 24 stig
L.A. Lakers 97: Bryant 32 stig
*Framlengdur leikur

Detroit 96: Hamilton 27 stig

Washington 99: Jamison 35 stig                                                           

NBA: Washington lagði Detroit á útivelli