Monta Ellis vinnur framaraverðlaun

Monta Ellis, leikmaður Golden State Warriors í NBA deildinni fékk í dag viðurkenningu fyrir mestu framfarir á árinu.
Ellis sem er á sínu öðru ári í deildinni skoraði að meðaltali 16,5 stig í leik og gaf rétt rúmar 4 stoðsendingar á móti 6,8 stigum og 1.6 stoðsendingum í fyrra.
Það verður þó að fylgja að Ellis lék næstum helmingi fleiri mínútur í leik í ár.  34,3 í leik á móti 18,1 í fyrra.

Í næstu sætum komu svo Kevin Martin, Deron Williams og Tyson Chandler.  Allt leikmenn sem að mínu mati hefðu frekar átt skilið að vinna. Fimmti varð svo lettneski félagi Ellis hjá Golden State, Andris Biedrins.

Top 5

Leikmaður, Lið	1.	2.	3.	Stig
1. Monta Ellis, Golden State	47	34	15	352
2. Kevin Martin, Sacramento	44	38	15	349
3. Deron Williams, Utah	13	6	18	101
4. Tyson Chandler, NOK	6	0	9	72
5. Andris Biedrins, Golden State	8	4	12	64

 

Í nótt verða svo þrír leikir.  Utah leikur heima gegn Houston, Orlando tekur á móti Detroit og Lakers færa Phenoix í heimsókn.  Heimaliðin þrjú eru öll 2-0 undir og ætla ég að spá því að eftir leiki næturinnar verði staðan orðin 3-0 í öllum viðureignunum.

Leikur Utah og Houston verður í beinni á NBA TV kl. 1 eftir miðnætti.

Athugasemdir

[Ólafur Guðmundsson, 26.4.2007 kl. 21:52]

Deron Williams er búinn að vera stórkostlegur fyrir mitt lið, Utah Jazz. Sannarlega herramaður sem átti þetta frekar skilið.

 Ég er alls ekki sammála þér að Utah tapi í nótt. Þeir hafa verið sterkir á heimavelli í vetur þó að risið hafi ekki verið mikið hjá þeim síðustu vikurnar.

[Íþróttir á blog.is, 26.4.2007 kl. 22:20]

Það er klárt mál að ég vil að Utah vinni þennan leik og setji spennu í þetta.
En þeir toppuðu á vitlausum enda tímabils og hafi ekki verið að gera merkilega hluti uppá síðkastið.

[Ólafur Guðmundsson, 26.4.2007 kl. 22:34]

Já, það er rétt. Sérstaklega þegar haft er í huga að þeir byrjuðu tímabilið 12-1. Þeir eyðilögðu annars frábært tímabil með lélegri spilamennsku síðustu leikina og útkoman er að þeir þurftu að byrja á útivelli í fyrstu umferð.