NBA Playoffs

Í nótt fór fram síðasta umferðin í deildarkeppni NBA deildarinnar.  Endanleg niðurröðun er því komin á úrslitakeppnina sem hefst á laugardaginn og mun fyrsta umferðin líta svona út.

Vestur:

Dallas (1) - Golden State (8)
Pheonix (2) - LA Lakers (7)
San Antonio (3) - Denver (6)
Utah (4) - Houston (5)


Austur:

Detroit (1) - Orlando (8)
Cleveland (2) - Washington (7)
Toronto (3) - New Jersey
Miami (4) - Chicago (5)

Læt svo fylgja með fyrst lokastöðuna eins og þetta endaði.

 

		Unnir	Tapaðir	%				Unnir	Tapaðir	%
1.	Dallas	67	15	0.817		1.	Detroit	53	29	0.646
2.	Phoenix	61	21	0.744		2.	Cleveland	50	32	0.610
3.	San Antonio	58	24	0.707		3.	Toronto	47	35	0.573
4.	Utah	51	31	0.622		4.	Miami	44	38	0.537
5.	Houston	52	30	0.634		5.	Chicago	49	33	0.598
6.	Denver	45	37	0.549		6.	New Jersey	41	41	0.500
7.	L.A. Lakers	42	40	0.512		7.	Washington	41	41	0.500
8.	Golden State	42	40	0.512		8.	Orlando	40	42	0.488

Hér að neðan er hún svo eins og hún ætti undir öllum eðlilegum og rökréttum kringumstæðum að vera.
En David Stern er auðvitað stórbilaður og lítið við því að segja eða gera.

 

		Unnir	Tapaðir	%				Unnir	Tapaðir	%
1.	Dallas	67	15	0.817		1.	Detroit	53	29	0.646
2.	Phoenix	61	21	0.744		2.	Cleveland	50	32	0.610
3.	San Antonio	58	24	0.707		3.	Chicago	49	33	0.598
4.	Houston	52	30	0.634		4.	Toronto	47	35	0.573
5.	Utah	51	31	0.622		5.	Miami	44	38	0.537
6.	Denver	45	37	0.549		6.	New Jersey	41	41	0.500
7.	L.A. Lakers	42	40	0.512		7.	Washington	41	41	0.500
8.	Golden State	42	40	0.512		8.	Orlando	40	42	0.488

Alveg útí hött að lið sem eru í sömu deild, leika jafnmarga leiki við sömu lið séu ekki einfaldlega raðað í sæti eftir vinningshlutfalli.  Meikar bara engan veginn sens að raða liðum niður eftir hvar þau eru staðsett á landakorti.

Miðjan

 

Umfjöllun um leiki KR og Njarðvíkur verður að sjálfsögðu ekki endanlega hætt fyrr en þætti stuðningsmanna KR verður minnst. Fyrir þá sem urðu svo óheppnir að sjá ekki leikina í rimmunni verður stemningunni ekki líst. Þetta er hreint út sagt það magnaðasta sem sést hefur.

Heitustu stuðningsmenn KR voru mættir í höllina kl. 18 og fóru þaðan rétt fyrir 23.
Þá lá leiðin beint niður í miðbæ Reykjavíkur þar sem stuðningsmenn, leikmenn, þjálfarar og stjórnarmenn KR troðfylltu skemmtistaðinn Olíver þar sem var sungið, dansað og trallað stanslaust til að verða kl. 2 eftir miðnætti.  Að lokum var farin skrúðganga niður Laugarveginn sem innihélt allan pakkann; Nokkri tugi syngjandi stuðningsmanna, Íslandsmeistarabikarinn og svo voru að sjálfsögðu tendruð blys.  Allra heitustu stuðningsmennirnir héldu svo fögnuði áfram eitthvað fram á morgun og varð þar með sigurhátíð Vesturbæinga allt að 12 tímar!

Í dag tekur svo við að horfa á leikinn endursýndan á Sýn, halda áfram að fagna og vera stoltur af því að vera KR-ingur.

Svo er sumarið handan við hornið og í fótboltanum bíður önnur dolla sem bíður þess að komast heim í KR heimilið.

KR Íslandsmeistarar 2007 !

 
Fannari fannst alveg hundleiðinlegt að rífa dolluna á loft !

Knattspyrnufélag Reykjavíkur varð í gær í 10. sinn Íslandsmeistarar í körfubolta, karlaflokki.  Liðið sigraði Njarðvíkinga 3-1 í seriu sem er sú rosalegasta í manna minnum.  Eftir að hafa lent undir 1-0 komu KR ingar sterkir til baka og unnu 3 leiki í röð og tryggðu sér titilinn.  Sama leið og liðið fór gegn Grindavík árið 2000, síðast þegar þeir urðu meistarar.

Segja má að sigurinn hafi verið sigur liðsheildarinnar.  KR-ingar spiluðu á miklu fleiri leikmönnum en Njarðvíkingar og skiptir það sköpum þegar slík spenna er alltaf í lok leikjanna. Njarðvíkingar lentu í því í öllum leikjunum að lykilmenn voru orðnir þreyttir eða í villuvandræðum og þá lentu þeir alltaf í vandræðum.  Brenton 35 ára er ekki í sama standi og oft áður og Jeb Ivey átti það til að taka fáránleg skot í lok leikjanna.
Á meðan héldu KR-ingar ró sinni, róteruðu vel í liði sínu og sáu til þess að það væru þeir sem væru yfir þegar leikjunum lauk.  Það er jú víst það sem skiptir máli.

Annars bíða nú ótal margar greinar um leikinn í hinum ýmsu fjölmiðlum lestrar svo að punkturinn verður settur hér.

ÁFRAM KR

 

KR komið í 2-1 !!!!

 

Tveir snillingar.  En það er alveg ljóst hvor þeirra er að klára leikina þessa dagana.

Endum þetta svo á sálmi sem fékk að hljóma oft og vel í dag.

O-óóóó!! O-óóóó!!
Við erum KR!
Reykjavíkurstoltið
Sanna stórveldið!!
O-óóóó!! O-óóóó!! 

Ótrúlegt hvernig KR ingar gjörsamlega jarða heimamenn á pöllunum.  Þvílík stemning.

KR getur tryggt sér meistaratitilinn á heimavelli

1-1

Frábær seiglusigur hjá KR í kvöld.

JJ í bullinu fyrstu þrjá leikhlutana en steig upp þegar allt var undir og kláraði þetta. Snillingur.
Tyson stóð fyrir sínu og Pálmi var frábær.

Lykilmenn voru ekki alveg uppá sitt besta hjá Njarðvík og erfiðastir andstæðinganna úr Reykjanesbæ voru þeir Jóhann Ólafsson og að venju, Kristinn Óskarsson.

 

Hvernig var hægt að dæma buzzer þristinn hans Darra off án þess að skoða þetta í sjónvarpi ?

Magnaður lokakafli tryggði KR sigur gegn Njarðvík

Leikur 2

Skyldumæting í KR Heimilið í kvöld þar sem allt er undir hjá KR-ingum sem ætla sér að jafna einvígið í kvöld.

Það er klárt mál að til þess þarf að spila almennilega vörn á Ivey og sérstaklega Brenton.  Treysti ég Steinari Kaldal fullkomlega til þess, fái hann sénsinn.

Undir körfunni eru KR-ingar ekki með sömu breidd og Njarðvíkingar.  Með Fannar í villuvandræðum geta KR-ingar lent í gríðarlegum vandræðum þar sem að Baldur Ólafsson er aðeins í standi til að spila nokkrar mínútur og eins góður leikmaður og Sola er þá er hann töluvert sterkari framherji en miðherji.  Því er mjög mikilvægt að Fannar haldi sig frá villuvandræðum og ekki síður að samræmið í dómgæslunni verði meira en það var í Njarðvík þar sem hver bíó-villan á fætur annarri var dæmd á Fannar á meðan Igor Beljanski fékk að berja mann og annan að vild.

Ef þetta gengur eftir og Tyson spilar sinn leik og Brynjar setur sína þrista hef ég ekki miklar áhyggjur af þessu.  Óska þó ef til vill eftir aðeins meira framlagi frá Pálma og Skarphéðinni.

Á flautunni í kvöld verður eins og í fyrsta leiknum Suðurnesjamaðurinn Kristinn Óskarsson en með honum verður Eggert Þór Aðalgeirsson.

 

P.S. Óskar Örn Hauksson er svo vinsamlegast beðinn um að sitja réttu megin í stúkunni ætli hann sér að spila fleiri leiki fyrir KR.

Florida meistarar annað árið í röð

 

Florida Gators urðu í nótt fyrsta liðið í 15 ár til að vinna meistartitilinn í Bandaríska háskólaboltanum tvö ár í röð þegar þeir sigruðu lið Ohio State skólans 84-75 í nótt.  Jafnframt var þetta í fyrsta sinn í sögunni sem að lið vinnur þennan titil tvö ár í röð með sama byrjunarlið. 

Leikurinn í nótt var skemmtilegur en náði því þó aldrei að verða virkilega spennandi.  Florida liðið var alltaf skrefinu framar og hleyptu Ohio mönnum ekki of nálægt sér.  Í hálfleik var staðan 40-29 fyrir Florida þar sem mestu munaði um góða nýtingu í 3ja stiga skotum en Florida setti niður 6 slík í fyrri hálfleik úr einungis 8 tilraunum Seinni hálfleikur var jafnari en munurinn varð þó aldrei minni en 7 stig og í hvert skipti sem Florida sáu Ohio nálgast gáfu þeir í og héldu þeim í þægilegri fjarlægð.
Það fór svo að lokum að Ohio náði þó að vinna seinni hálfleikinn með 2 stigum og endaði því leikurinn með 9 stiga sigri Florida. Lokatölur 84-75. 

Greg Oden átti virkilega gott kvöld í liði Ohio. Hann skoraði 25 stig, tók 12 fráköst og varði 4 skot.  Florida liðið réði illa við hann varnarlega og lentu allir stóru menn liðsins í villuvandræðum við að berja á honum.  Stórleikur Oden dugði þó skammt þar sem aðrir lykilmenn liðsins náðu sér ekki á strik nema þó helst  Mike Conley Jr. sem lék ágætlega, skoraði 20 stig og gaf 6 stoðsendingar en mikið af stigum hans komu þó í lok leiksins þegar leikurinn var í raun búinn.

Þrátt fyrir að Oden virtist geta skorað að vild undir körfunni ákváðu leikmenn Ohio að taka 3ja stiga skot í tíma og ótíma þrátt fyrir að ekkert vildi ofan í hjá þeim.  Þeir enduðu á að setja niður samtals 4 þrista en til þess þurfti 23 tilraunir og tveir þeirra komu alveg í lokin þegar úrslitin voru þegar ráðin. Hjá Florida dreifðist stigaskorið vel en það var Al Horford sem endaði stigahæstur með 18 stig auk þess sem hann tók 12 fráköst. Taurean Green skoraði 16 stig og Lee Humphrey 14.

Eins og fyrr segir var Florida liðið að tryggja sér sinn annan titil á jafnmörgum árum sem er mikið afrek.  Lykilleikmenn liðsins sýndu mikinn liðsanda í fyrra þegar þeir ákváðu að spila annað tímabil saman í Florida þrátt fyrir að hafa átt þess kost að fara í NBA deildina og sýndu svo í gærkvöldi að það borgaði sig.  Billy Donovan, þjálfari liðsins lét svo hafa eftir sér að þrátt fyrir að þetta lið væri kannski ekki prýtt bestu einstaklingum sögunnar þá væri liðið sem slíkt eitt það allra besta. 

Hvað verður hjá þessum liðum næsta vetur er erfitt að segja.  Hjá Florida er Billy Donovan þjálfari orðaður við Háskólann í Kentucky og að minnsta kosti 3 af 5 byrjunarmönnum munu væntanlega reyna fyrir sér í NBA. 
Hjá Ohio er auðvitað stóra spurningin hvað nýliðinn Greg Oden gerir en það er alveg ljóst að ef hann velur þann kost að fara í NBA nýliðavalið í sumar mun hann verða valinn fyrstur eða annar ásamt Kevin Durant, leikmanni Texas háskóla, sem var á dögunum útnefndur leikmaður ársins í Háskólaboltanum.  Ron Lewis, bakvörður hjá Ohio hefur líka verið orðaður við NBA deildina og Mike Conley Jr. hefur verið að spila vel og gæti hugsanlega reynt fyrir sér í nýliðavalinu.

NCAA Finals

 

Í kvöld fer fram úrslitaleikurinn í NCAA háskóladeildinni í Bandaríkjunum.  Það eru lið Florida og Ohio sem leika til úrslita og hefst leikurinn kl. 01:21 eftir miðnætti.  Hann verður sýndur á stöðinni NASN sem næst á breiðbandi Símans.

Ohio State skólinn sem hefur í gegnum tíðina aðallega verið þekktur fyrir mjög gott fótboltalið eru búnir að spila gríðarlega vel í vetur með Greg Oden í fararbroddi.  Þeir lentu þó í töluverðu basli í bæði 32 og 16 liða úrslitum en unnu svo auðveldan sigur á Memphis í 8 liða úrslitum.Fyrrnefndur Oden er stærsta stjarna liðsins og var þeirra stigahæsti leikmaður á tímabilinu auk þess að taka flest fráköst.  Bíða menn í ofvæni eftir að sjá hann leika í NBA deildinni og má nær öruggt telja að hann verði valinn nr. 1 eða 2 í nýliðavalinu í sumar. 
Aðrir leikmenn sem má fylgjast vel með eru Mike Conley Jr. og Ron Lewis sem gætu einnig dottið inní NBA fyrir næsta vetur 

Florida kom skemmtilega á óvart í fyrra og fór alla leið í mótinu.  Í ár hafa þeir svo verið taldir mjög sigurstranglegir allt frá byrjun enda með nákvæmlega sama byrjunarlið og á meistaratímabilinu í fyrra.  Þeir hafa hingað til staðist allar þær væntingar sem til þeirra hafa verið gerðar og rúllað nokkuð þægilega í gegnum bæði riðlakeppnina sem og úrslitakeppnina.
Eins og fyrr segir hélt Florida liðið öllum byrjunarliðsmönnum sínum frá því í fyrra en það er nokkuð ljóst að svo verður ekki aftur eftir þetta tímabil.  Það er jafnvel talið líklegt að Florida skólinn muni skila 3 leikmönnum í NBA fyrir næstu leiktíð og hugsanlega munu þeir allir verða valdir í fyrstu umferð nýliðavalsins. 
Þetta eru þeir Al Horford, Joakim Noah og Corey Brewer. 

Á laugardaginn fóru fram undanúrslitaleikirnir þar sem Ohio lagði Georgetown og Florida sigraði lið UCLA skólans.  Það voru flestir sem spáðu einmitt þessum úrslitum og þurftu hvorugt liðið að hafa sérstaklega fyrir því að stimpla sig inn í úrslitaleikinn.   

Ohio sigraði Georgetown 67-60 í leik þar sem Greg Oden tók minni þátt í en planað var, lék t.d aðeins 3 mínútur í fyrri hálfleik en hann lenti snemma í villuvandræðum og hefur það vandamál reyndar loðað við hann í allan vetur.  Mike Conley Jr. lék hinsvegar skínandi vel fyrir Ohio og skilaði 15 stigum og 6 stoðsendingum. 

Hinn undanúrslitaleikurinn var endurtekning á úrslitaleiknum í fyrra þar sem lið Florida og UCLA áttust við.  Þar kláraði Florida leikinn án teljandi vandræða og var það sama uppá teningnum á laugardaginn.  Lokatölur 76-66 í leik þar sem Corey Brewer skoraði 19 stig og Al Horford hirti 17 fráköst. 

Í desember áttust liðin sem leiki í kvöld einnig við í leik sem varð aldrei spennandi og þegar yfir lauk hafði Florida liðið skorað 86 stig gegn 60 stigum Ohio manna sem voru niðurlægðir á öllum sviðum körfuboltans.Menn benda þó á að í þeim leik var Greg Oden aðeins rétt skriðinn uppúr úlnliðsmeiðslum sem höfðu hrjáð hann í nokkurn tíma og gat því ekki beitt sér að fullu.  Hann lenti einnig í villuvandræðum í þeim leik og skoraði aðeins 7 stig.  Al Horford átti hinsvegar góðan leik í liði Flordia og vann einvígið við Oden í það skiptið. 

Það er þó alveg ljóst að Ohio menn munu ekki láta þetta gerast aftur.  Þeir hafa ekki tapað leik síðan 9. janúar, unnið 22 leiki í röð og eru til alls líklegir.Florida liðið hefur líka leikið vel, unnið 9 leiki í röð og í þeim leikjum hafa þeir eininugis tvisvar fengið á sig meira en 70 stig. Það er litið mikið til baráttu stóru mannana Al Horford og Greg Oden sem verður gríðarlega skemmtilegt einvígi sem mun þegar uppi er staðið vega þungt. 

Það mun þó líka mæða mikið á bakvörðum liðana sem eru gríðarlega öflugir.Hjá Florida eru þeir Lee Humphrey og Taurean Green báðir miklar skyttur og hjá Ohio er Mike Conley Jr. mjög drjúgur og eru margir á því að þrátt fyrir að hafa fallið í skugga Oden sé hann mikilvægasti leikmaður liðsins sem hefur haldið liðinu uppí þegar Oden hefur ekki verið með eða lent í villuvandræðum.  Ron Lewis er einnig góður leikmaður sem hefur sett niður mikilvæg skot fyrir liðið í vetur. 

Ef að Florida vinnur leikinn verða þeir fyrsti skólinn til að vinna titilinn tvö ár í röð síðan Duke gerði það fyrir 15 árum og þeir fyrstu í sögunni til að vinna tvo titla í röð með sama byrjunarlið.

Ohio hefur ekki unnið titilinn síðan 1960 en þeir töpuðu svo úrlslitaleikjum næstu tvö ár á eftir.

NCAA Final Four

 

Það er ekki einungis leikið í undanúrslitum Iceland Express deildarinnar í dag því að í kvöld fara fram Final Four leikirnir, undanúrslitin í Bandaríska háskólaboltanum.  Liðin sem leika eru annars vegar Georgetown og Ohio og hins vegar eru það núverandi meistarar í Florida sem mæta UCLA.  Á mánudag verður svo sjálfur úrslitaleikurinn. 

Georgetown – Ohio State 

Georgetown liðið er að koma mörgum á óvart með að skila sér alla leið í undanúrslit. Skólinn hefur náð fínum árangri í gegnum tíðina og oft verið með sterkt lið en það var ekki endilega búist við miklu af þeim á þessu tímabili. 
Í 16 liða úrslitum sigruðu þeir lið Vanderbilt skólans með því að skora sigurkörfuna í síðustu sekúntum leiksins og í 8 liða úrslitum komu þeir öllum á óvart og lögðu Chappell Hill skólann í Norður-Karólínu eftir ótrúlegan leik sem endaði í framlengingu. 
Bestu leikmenn liðsins eru framherjinn Jeff Green og miðherjinn Roy Hibbert.  Auk þeirra leikur skotbakvörðurinn Jonathan Wallace stóra rullu í liðinu. Það er fastlega búist við þeim Green og Hibbert í nýliðavalið fyrir NBA deildina í sumar þar sem reiknað er með þeim báðum inní deildina í fyrstu umferð. 

Ohio State skólinn sem hefur í gegnum tíðina aðallega verið þekktur fyrir mjög gott fótboltalið eru búnir að spila gríðarlega vel í vetur með Greg Oden í fararbroddi. 
Þeir lentu þó í töluverðu basli í bæði 32 og 16 liða úrslitum en unnu svo auðveldan sigur á Memphis í 8 liða úrslitum. 
Fyrrnefndur Oden er stærsta stjarna liðsins og bíða menn í ofvæni eftir að sjá hann leika í NBA deildinni og má nær öruggt telja að hann verði valinn nr. 1 eða 2 í nýliðavalinu í sumar.  Aðrir leikmenn sem má fylgjast vel með eru Mike Conley Jr. og Ron Lewis sem gæti einnig dottið inní NBA fyrir næsta vetur. 

Spá: Ohio klárar þetta.  

Florida – UCLA 

Florida kom skemmtilega á óvart í fyrra og fór alla leið í mótinu.  Í ár hafa þeir svo verið taldir mjög sigurstranglegir allt frá byrjun enda með nákvæmlega sama byrjunarlið og á meistaratímabilinu í fyrra.  Þeir hafa hingað til staðist allar þær væntingar sem til þeirra hafa verið gerðar og rúllað nokkuð þægilega í gegnum bæði riðlakeppnina sem og úrslitakeppnina. 
Eins og fyrr segir hélt Florida liðið öllum byrjunarliðsmönnum sínum frá því í fyrra en það er nokkuð ljóst að svo verður ekki aftur eftir þetta tímabil.  Það er jafnvel talið líklegt að Florida skólinn muni skila 3 leikmönnum í NBA fyrir næstu leiktíð og hugsanlega munu þeir allir verða valdir í fyrstu umferð nýliðavalsins. 
Þetta eru þeir Al Horford, Joakim Noah og Corey Brewer. 

UCLA háskólinn í Kaliforínu er með mikla körfuboltahefð og hafa unnið flesta meistaratitla allra liða eða alls 11 sem þykir býsna gott.  Þeir hafa þó ekki unnið titilinn síðan 1995 og þykir því mörgum kominn tími á að skila honum aftur til Los Angeles. 
Liðið hefur spilað vel í vetur, aðeins tapað 5 leikjum af 35 og ekki lent í teljandi vandræðum í úrslitakeppninni.  Þó eru margir á því að í kvöld munu þeir loks mæta ofjörlum sínum þegar þeir leika gegn Florida. 
Arron Affllalo er skotbakvörður og mesta hetja UCLA liðsins.  Talið er líklegt að hann muni spila í NBA deildinni næsta vetur en hann gæti þó mátt bíða fram í aðra umferð í nýliðavalinu með að komast að.  Aðrir sterkir leikmenn í UCLA eru Josh Shipp og Darren Collinson sem er talinn mjög efnilegur varnarmaður. 

Spá: Florida fer í úrslitin.  

Ath. Þeir sem hafa Breiðbandið og eru með aðgang að NASN stöðinni geta séð leikina í beinni en leikur Georgetown og Ohio hefst kl. 22:07 að íslenskum tíma en leikur Florida og UCLA er svo rúmum tveimur og hálfum tíma síðar eða kl. 00:47 eftir miðnætti.

Ef einhver veit hvar er hægt að sjá þessa leiki á netinu þá má hinn sami endilega skilja eftir comment.

Slæmar ákvarðanir í NBA

Forráðamenn og þjálfarar liðanna í NBA deildinni þurfa oft að taka erfiðar ákvarðanir varðandi leikmannamál; samninga, nýliðaval og leikmannaskipti.  Eins og gefur að skilja kemur oft á daginn að sumar ákvarðanirnar eru góðar, aðrar slæmar.  Sumir bestu leikmenn deildarinnar hafa verið valdir seint í nýliðavalinu og öðrum snillingum hafa verið skipt fyrir minni spámenn.

Ljóst er að listinn yfir slæmar ákvarðanir er langur og eru þar á meðal ýmis atriði sem mótað hafa NBA söguna.  Hér verður rennt yfir nokkrar ákvarðanir sem menn hafa nagað sig í handarbökin yfir í seinni tíð.

 

Kobe Bryant

 

Kobe Bryant var valinn í deildina 17 ára gamall, beint úr High School og það var lið Charlotte Hornets sem þá var og hét sem nældi í piltinn. Bryant sem var valinn nr. 13  var ekki talinn neitt sérstaklega mikið efni en þáverandi framkvæmdarstjóri Los Angeles Lakers, Jerry West hafði þó fylgst nokkuð vel með honum og hafði trú á að hann gæti orðið stórstjarna.

West tókst svo að sannfæra forráðamenn Hornets um skipti á Bryant og gömlu hetjunni Vlade Divac. Því varð úr að Hornets og Lakers skiptu á leikmönnunum og restina af sögunni þekkja svo allir. Kobe Bryant er þrefaldur NBA meistari og margfaldur All-Star leikmaður en Divac lék aðeins 2 ár með Hornets áður en hann fór svo frítt til Sacramento.


Þess má svo til gamans geta að fyrrnefndur Jerry West sem lék lengi vel með Lakers liðinu og er talinn einn af betri leikmönnum sögunnar kemur fyrir augu manna oftar en þeir gera sér grein fyrir. Það er nefnilega þannig mál með vexti að leikmaðurinn í NBA merkinu fræga er Jerry West, þ.e. útlínurnar af honum.

 

Micheal Jordan

 

Jordan ákvað að taka þátt í NBA nýliðavalinu árið 1984, ári áður en hann átti að útskrifast frá Chappel Hill háskólanum í Norður-Karólínu. Margir snjallir spilarar komu inní deildina þetta ár, t.d. Hakeem Olajuwon, Charles Barkley og John Stockton. 

Olajuwon var valinn nr. 1 af Houston Rockets þar sem hann spilaði við góðan orðstír í 17 ár og vann til að mynda tvo NBA titla með félaginu.

Portland Trailblazers átti svo 2. valrétt og voru margir á því að þeir mundu velja Micheal Jordan, aðalstjörnuna úr háskólaboltanum. Portland menn litu þó þannig á málið að þar sem þeir höfðu fengið Clyde Drexler árið áður þyrftu þeir núna stóran mann og völdu því Sam nokkurn Bowie.  Bowie náði sér aldrei á strik í NBA deildinni og spilaði ekki mörg alvöru tímabil í NBA, þar af aðeins fjögur með Portland. Hann er í dag aðallega þekktur sem maðurinn sem var valinn á undan Jordan.

Sú ákvörðun Portland Trailblazers að velja Sam Bowie í staðinn fyrir Micheal Jordan er réttilega oft talinn ein allra versta ákvörðun NBA sögunnar.

 

Þrátt fyrir að yfirgefa Chappel Hill skólann árið 1984 til að fara í NBA lauk Micheal Jordan háskólaprófi þaðan árið 1986.

  

Detroit og Darko Milicic

 

Nýliðavalið 2003 er talið ásamt árunum 1984 og 1996 eitt það sterkasta í sögunni. 

Þar átti Cleveland Caviliers fyrsta valrétt og eftir að hafði tryggt sér LeBron James átti Detroit Pistons næsta valrétt.  Þar ákváðu þeir að velja frá Serbíu Darko Milicic. Hann var valinn á undan m.a. eftirfarandi leikmönnum:

Carmelo Anthony, Dwyane Wade, Josh Howard, Chris Bosh, Boris Diaw, Kirk Hinrich, David West, T.J. Ford, Udonis Haslem, Chris Kaman og Leandro Barbosa.

 

Detroit vann þó meistaratitilinn þetta ár en það verður þó seint talið Milicic að þakka.  1.4 stig á 4.7 mínútum var hans framlag þetta árið og eftir lítinn sem engan spilatíma hjá Detroit fór hann til Orlando Magic í febrúar 2006.  Þar hefur hann fengið að spila aðeins meira og hækkað í samræmi við það tölurnar hjá sér en á enn langt í land með að komast á þann stall sem fjöldi þeirra leikmanna sem valdir voru á eftir honum eru komnir á.

  

Aðrar ákvarðanir í NBA sögunni sem eftirá að hyggja voru kannski ekki þær gáfulegustu:

 

Atlanta Hawks skiptu árið 1994 á Dominique Wilkins og Danny Manning.  Manning stóð aldrei undir þeim væntingum sem til hans voru gerðar í NBA.

 

Eftir að hafa valið Dirk Nowitski í nýliðavalinu 1998 ákváðu Milwaukee Bucks að skipta við Dallas Mavericks á honum og Robert Traylor sem eftir að hafa átt stuttan og arfaslakan feril í NBA er nú “free agent”.

 

Í nýliðavalinu 1987 valdi Seattle Scottie Pippen en skiptu honum strax til Chicago í staðinn fyrir Olden Polynice. Polynice spialði lengi í NBA en gerði aldrei merkilega hluti.

 

Og loks:

 

Shaquille O´Neill fyrir Lamar Odom, Brian Grant, Caron Butler og Jordan Farmar eru skipti sem hafa enn ekki skilað miklu fyrir L.A. Lakers.

 

Detroit Pistons fengu líklega töluvert meira útúr skiptunum á Grant Hill fyrir Ben Wallace og Chucky Atkins heldur en Orlando Magic

 

Golden State Warriors létu Chris Webber fara til Washington Bullets fyrir Tom Gugliotta.