NBA 2. feb. 2007

  14 töp í röð

Tíu leikir fóru fram í NBA í nótt.

Indiana lagði LA Lakers 95-84. Kobe Bryant skoraði 22 stig fyrir Lakers og Jermaine O´Neal 22 fyrir Indiana, sem tryggði sér sigurinn með 17-2 spretti í fjórða leikhluta.

Golden State lagði Philadelphia 102-101 á útivelli. Baron Davis skoraði 25 stig og gaf 12 stoðsendingar hjá Golden State, en Andre Iquodala skoraði 25 stig, gaf 13 stoðsendingar og hirti 10 fráköst fyrir Philadelphia.

Toronto komst yfir 50% vinningshlutfall með því að skella Atlanta 103-91 á útivelli. Chris Bosh skoraði 24 stig og hirti 10 fráköst, en Joe Johnson skoraði 28 stig fyrir Atlanta.

New Orleans lagði Minnesota 90-83 þar sem Chris Paul skoraði 24 stig og gaf 8 stoðsendingar hjá New Orleans en Mark Blount skoraði 24 stig fyrir Minnesota.

Cleveland vann öruggan sigur á Charlotte 101-81. LeBron James skoraði 18 stig fyrir Cleveland og Gerald Wallace 16 fyrir Charlotte.

LA Clippers lagði Boston á útivelli 100-89. Elton Brand skoraði 26 stig og hirti 19 fráköst fyrir Clippers en Rajon Rondo setti 23 stig fyrir Boston.  Boston hafa nú tapað 14 leikjum í röð.

Detroit lagði Milwaukee 96-86. Chauncey Billups skoraði 20 stig og gaf 8 stoðsendingar fyrir Detroit en Andrew Bogut skoraði 21 stig og hirti 13 fráköst fyrir Milwaukee.

Orlando burstaði New Jersey 119-86. Vince Carter skoraði 25 stig fyrir New Jersey en Hedo Turkoglu skoraði 22 stig fyrir Orlando.

Denver lagði Portland í framlengdum leik 114-107. Zach Randolph skoraði 25 stig og hirti 9 fráköst fyrir Portland en Carmelo Anthony skoraði 33 stig fyrir Denver.

Loks vann Chicago góðan útisigur á Seattle 107-101 þar sem Luol Deng skoraði 27 stig og hirti 12 fráköst fyrir Chicago en Ray Allen skoraði 29 stig fyrir Seattle.

Að mestu leyti fengið lánað frá visir.is

NBA: 14. tap Boston í röð

Athugasemdir

[Conan Digranes, 3.2.2007 kl. 16:01]

Góður punktur hjá þér að segja að karfan.is sé eina íslenska vefsíðan sem gerir nba góð skil..... þessi samantekt hér fyrir ofan er þá væntanlega af karfan.is......

[Íþróttir á blog.is, 3.2.2007 kl. 17:43]

Hehe heyrðu nei þeir Vísis menn taka sig til stöku sinnum og setja inn ágætis umfjöllun.  Enda sagði ég einnig hér einhvers staðar að Vísir væri langt á undan MBL í NBA umfjöllun.

[Conan Digranes, 4.2.2007 kl. 14:59]

Það er nú reyndar þannig að það er hending ef ekki er nba umfjöllun á vísi á hverjum einasta degi og þar eru alltaf allar helstu fréttir úr deildinni (yfirleitt alltaf á undan mbl og öðrum) - þá er líka rétt að minna á að þó karfan.is sé solid vefur og bráðnauðsynlegur - er nba efni þar mjög oft tekið beint af vísi ef vel er að gáð.

Rétt skal vera rétt :)

[Conan Digranes, 4.2.2007 kl. 15:04]

... Þessutan er gaman að sjá að það eru enn til menn sem hafa gaman af NBA deildinni og það er reglulegur sómi af þessu bloggi hjá þér, Doe.

[Íþróttir á blog.is, 4.2.2007 kl. 15:57]

Það er rétt að vísir er að standa sig ágætlega og hef ég fundið mest fyrir því núna síðustu daga þar sem aðstæður hafa verið þannig að ég hef ekki komist í að skrifa sjálfur um leikina.