AI í hóp góðra manna

Með layup-i eftir rétt tæpar 22 mínútur í leik Denver og Seattle setti Allen Iverson niður sín 20.000 stig í NBA deildinni og komst í hóp snillinga á borð við Wilt Chamberlain, Kareem Abdul-Jabbar og Michael Jordan.

Iverson er 30. leikmaðurinn til að komast inná þennan lista sem inniheldur helstu stjörnur deildarinnar frá upphafi.

Hér fylgir svo listinn í heild sinni. 

 

	Leikmaður	Leikir	Stig	Meðaltal
1	Kareem Abdul-Jabbar	1560	38.387	24,6
2	Karl Malone	1476	36.928	25,0
3	Michael Jordan	1072	32.292	30,1
4	Wilt Chamberlain	1045	31.419	30,1
5	Moses Malone	1329	27.409	20,6
6	Elvin Hayes	1303	27.313	21,0
7	Hakeem Olajuwon	1238	26.946	21,8
8	Oscar Robertson	1040	26.710	25,7
9	Dominique Wilkins	1074	26.668	24,8
10	John Havlicek	1270	26.395	20,8
11	Alex English	1193	25.613	21,5
12	Reggie Miller	1389	25.279	18,2
13	Jerry West	932	25.192	27,0
14	Shaquille O'Neal	945	24.820	26,3
15	Patrick Ewing	1183	24.815	21,0
16	Charles Barkley	1073	23.757	22,1
17	Robert Parish	1611	23.334	14,5
18	Adrian Dantley	955	23.177	24,3
19	Elgin Baylor	846	23.149	27,4
20	Clyde Drexler	1086	22.195	20,4
21	Larry Bird	897	21.791	24,3
22	Gary Payton	1302	21.660	16,6
23	Hal Greer	1122	21.586	19,2
24	Walt Bellamy	1043	20.941	20,1
25	Bob Pettit	792	20.880	26,4
26	David Robinson	987	20.790	21,1
27	George Gervin	791	20.708	26,2
28	Mitch Richmond	976	20.497	21,0
29	Tom Chambers	1107	20.049	18,1
30	Allen Iverson	713	20.015	28,1

Earl Boykins

Ef það er einhver leikmaður sem komið hefur á óvart í NBA deildinni í ár þá er það klárlega hinn smái en knái Earl Boykins. Boykins sem er 1.65 á hæð er minnsti leikmaður deildarinnar og sá næstminnsti í sögunni, aðeins Muggsy Bogues (1.60) er minni.  Boykins er ekki bara lágvaxinn heldur er hann einungis 60 kg. en tekur þó að sögn liðsfélaga sinna 140 kíló í bekk !, geri aðrir betur.

Boykins hóf feril sinn í deildinni með New Jersey árið 1998 en fékk lítið að spreyta sig og árið 2000 gekk hann til liðs við L.A. Clippers eftir að hafa komið við hjá bæði Cleveland og Orlando.  Hann spilaði tvö tímabil með Clippers og það var ekki fyrr en á seinna tímabilinu sem hann lék sinn fyrsta leik sem byrjunarmaður í NBA en byrjaði þó bara tvo leiki af 68. Næsta tímabil lá leiðin í Golden State en þar voru tækifærin ekki mikið fleiri, hann spilaði þó 68 leiki en byrjaði aldrei.  Hann entist ekki lengi hjá Golden State og árið 2003 gekk hann til liðs við Denver.  Þetta reyndist mikið framfaraskref og í fyrsta skipti var hann að spila meira en 20 mínútur að meðaltali í leik sem skilaði sér í 10.2 stigum en hann hafði aldrei farið yfir 10 stigin að meðaltali áður.  Hann spilaði vel næstu tvö tímabil hjá Denver og var þrátt fyrir að ná ekki að tryggja sér sæti í byrjunarliðinu mikilvægur hluti af Denver liðinu.  Það var svo í byrjun þessa tímabils sem Boykins sló í gegn. Í þeim 31 leik sem hann spilaði skoraði hann að meðaltali 15.2 stig sem var það langhæsta hjá honum á ferlinum og gaf auk þess rúmar 4 stoðsendingar og bætti við 2 fráköstum.

Með tilkomu Allen Iverson í desember sáu forráðamenn Denver hinsvegar fram á að þurfa að lækka launakostnaðinn hjá liðinu og ákváðu að láta Boykins fara.  Milwaukee sem hafði verið í mikul meiðslavandræðum allt tímabilið voru fljótir að semja við hann og nú lítur út fyrir að það sé að hefjast nýr kafli á ferli þessa litla en gríðarlega snögga leikmanns.
Hjá Milwakukee hefur hann byrjað gríðarlega vel.  5 leikir, allir í byrjunarliðinu, 40.6 mínútur, 2.8 fráköst, 6.2 stoðsendingar og 18 stig eru frábærar tölur og þó að liðinu hafi ekki gengið sem best þá verður að taka með í reikninginn að þeir eru með mjög góða leikmenn í þeim Michael Redd, Maurice Williams og Charlie Villanueva en þeir hafa allir misst af síðustu leikjum vegna meiðsla.

Hvort Boykins haldi sæti sínu í byrjunarliðinu þegar Þeir Redd og Williams koma til baka verður að koma í ljós en það er klárt mál að hann hefur stimplað sig betur inn en menn þorðu að vona og sett Terry Stotts þjálfara í erfiða aðstöðu þegar kemur að því að velja liðið með alla klára.

 

Þjálfaraskipti hjá Timberwolves

 

Dwayne Casey þjálfari Minnesota Timberwolves í NBA deildinni var í gær rekinn frá liðinu eftir 4. tap liðsins í röð, nú gegn Utah.  Liðinu hefur þó gengið ágætlega á tímabilinu, er með 50% vinningshlutfall og er í 8. sæti Vesturdeildarinnar og þar með eins og staðan er í dag inni í úrslitakeppninni en þangað hefur liðið ekki komist síðan tímabilið 2003-2004 þegar þeir töpuðu í úrslitum Vestursins gegn LA Lakers.

Casey hafði stýrt liðinu síðan í Júní 2005 en áður hafði hann verið aðstoðarþjálfari hjá Seattle, þjálfað í Japan og í Háskólaboltanum.  Þar var hann dæmdur í ævilangt bann árið 1990 eftir að hafa verið sakaður um ólöglegar greiðslur til leikmanna, en þær voru þó aldrei sannaðar á hann.

Við liðinu tekur nú aðstoðarþjálfarinn Randy Wittman sem áður þjálfaði Cleveland á árunum 1999-2001.  Fyrsti leikur hans er í kvöld gegn Portland og verður athyglisvert að sjá hvort hann geti snúið við blaðinu og komið liðinu á sigurbraut á ný.

 

NBA 23. janúar 2007

6 leikir spilaðir í nótt og lítið um óvænt úrslit.

Orlando  95 - 111 Dallas
Nelson 23/3    Nowitzki 33/10/8       
                                       
Philadelphia 102 - 96 New Orleans
Korver 25/4            Brown 24/3             
                                       
Washington 105 - 127 Phoenix
Arenas 31/5           Nash 27/3/14           
                                       
Chicago 94 - 86 Atlanta
Deng 18/5      Johnson 29/4           
                                       
Seattle 112  -  117 Denver       
Allen 44/3         Anthony 34/9, Iverson 21/10           
                                       
LA Clippers 115-96 Milwaukee 
Brand 25/7           Bell 24/6             

Gasol á leið frá Memphis ?

Pau Gasol leikmaður Memphis Grizzlies hefur óskað eftir að fara frá liðinu. 
Gasol er Spánverji, fæddur 1980 og spilar í stöðu kraftframherja.  Hann hóf ferilinn með Barcelona á Spáni en kom inn í NBA deildina árið 2001 þegar hann var valinn nr. 3 í nýliðavalinu af Atlanta Hawks sem skiptu honum svo til Memphis. Hann spilaði gríðarlega vel á sínu fyrsta tímabili og var í kjölfarið valinn nýliði ársins.
Síðan þá hefur hann haldið áfram að spila vel og er með yfir ferilinn að meðaltali 18.6 stig, 3 stoðsendingar og 8.3 fráköst í leik.
Hann er auk þess algjör lykilmaður í Spænska landsliðinu og átti stóran þátt í að tryggja þeim Heimsmeistaratitilinn í fyrra þrátt fyrir að hafa misst af úrslitaleiknum vegna meiðsla. Gasol var svo valinn MVP í mótinu.

Memphis hefur gengið gríðarlega illa það sem af lifir tímabils og einunigs unnið 10 leiki, færri en öll önnur lið deildarinnar.

Vitað er af áhuga Chicago Bulls að nappa Gasol enda vantar Chicago liðið stóran mann í þessa stöðu, en Gasol er 2,13 cm á hæð.
Til að fá Gasol þyrfti Chicago að láta á móti P.J. Brown og svo eina af stjörnum liðsins, Kirk Hinrich, Loul Deng eða Ben Gordon.
Það er alveg ljóst að þrátt fyrir að Gasol yrði liðinu mikill liðstyrkur þá mundi það vekja nokkra óánægju í Chicago að þurfa að missa einhvern af þessum þremur leikmönnum sem eiga að öðrum ólöstuðum stærstan þátt í þeim árangri sem Chicago hefur náð síðastliðin 2-3 tímabil.

NBA. 22. janúar 2007

NBA 22. jan 2007

Í nótt voru spilaðir 9 leikir í NBA deildinni.  Fátt var um óvænt úrslit en augu flestra beindust
að Denver Nuggets þar sem Carmelo Anthony og Allen Iverson voru í fyrsta sinn að spila saman.

Sjónvarpsleikur næturinnar á NBA TV var leikur Indiana Pacers (20-20) og Chicago Bulls (23-18). 
Tölfræðin var fyrir leikinn á bandi heimamanna í Indiana en þeir höfðu unnið síðustu 15 af 16
heimaleikjum á móti Chicago.
 
Með þá Ben Wallace, Ben Gordon og Andres Nocioni alla tæpa vegna meiðsla var
fyrirséð að Chicago gæti lent í vandræðum með hið nýja lið Indiana.
Það varð raunin og lenti Chicago í því að vera að elta allan leikinn og í hvert
skipti sem þeir litu út fyrir að ætla að jafna leikinn svöruðu Indiana menn.
Lokastaðan var 98-91 fyrir Indiana en þeir leiddu í hálfleik 60-43.
 
Hjá heimamönnum í Indiana var Jermaine O´Neal stigahæstur með 22 stig, Danny Granger
setti 19 og í sínum fyrsta leik í byrjunarliðinu setti hinn 38 ára gamli Darrell
Armstrong persónulegt met með 16 stigum, 10 stoðsendingum og 8 fráköstum og var
valinn maður leiksins. Það má til gamans geta að fyrir þennan leik var Armstrong með
3.8 stig, 1.5 stoðsendingu og frákast að meðaltali á tímabilinu.

Meiddur Ben Gordon fór fyrir Chicago liðinu í stigaskorun en hann skoraði 31 stig.
Luol Deng skoraði 18 og hirti 8 fráköst.

Orlando með Grant Hill og Dwight Howard sem aðalmenn vann góðan útisigur á Cleveland
90-79.  Hill skoraði 22 stig og tók 5 fráköst en Howard var með 18 stig og 13
fráköst.

LeBron James lét lítið fyrir sér fara í liði Cleveland að þessu sinni en var þó engu
að síður stigahæstur með 18 stig.  Larry Hughes og Damon Jones gerðu 16 hvor.

Þrátt fyrir að hvorki Dwayne Wade né Shaquille O´Neal léku með Miami gegn New York í
nótt áttu Miami ekki í miklum vandræðum í leiknum.  Miami var 40-12 yfir eftir fyrsta leikhluta
leikhluta og eftir það var ekki aftur snúið. Lokatölur 101-83

Jason Kapano var stigahæstur hjá Miami með 22 stig og 5 fráköst en í liði New York
skoraði Eddie Curry 26.

Sacramento vann New Jersey á heimavelli í spennandi leik sem endaði með minnsta mun, 88- 87.
Það var Mike Bibby tryggði Sacramento sigurinn með körfunsekúndum fyrir leikslok. 

Ron Artest skoraði 21 stig fyrir Sacramento og bætti við 7 fráköstum
Hjá New Jersy var Jason Kidd með þrefalda tvennu eina ferðina enn, 18 stig 10 stoðsendingar
og 10 fráköst.  

Leikur Denver og Memphis var fyrirfram áhugaverður í ljósi þess að þetta var fyrsti leikur
Carmelo Antony og Allen Iverson saman eftir að hann síðarnefndi gekk til liðs við liðið í desember.
Einnig var þetta fyrsti leikur Anthony eftir 15 leikja bannið sem hann hlaut fyrir slagsmálin
á móti New York. Tvíeykið eru tveir af þremur stigahæstu mönnum deildarinnar og
ekki voru allir á því þeir gætu báðir haldið upp þessu mikla skori.

Þeir fóru þó báðir yfir 20 stigin, Anthony með 28 og Iverson 23.  Marcus Campy sá um fráköstin
að þessu sinni og hirti 17 stykki en Denver vann leikinn með 115 stigum gegn 98.

Hjá Memphis átti Pau Gasol góðan leik, með 23 stig, 17 fráköst og 6 stoðsendingar.  Hann er þó
búinn að óska eftir því að fara frá Memphis og gæti það hugsanlega gerst innan fárra vikna.
Chicago eru eins og staðan er í dag taldir líklegastir til að fá hann í sínar raðir.

Í Kanada áttu heimamenn í Toronto auðveldan dag þar sem þeir unnu Charlotte auðveldlega 105-84.

Chris Bosh skoraði 20 stig fyrir Toronto en hjá Charlotte settu þeir Gerald Wallace og Raymond
Felton báðir 19 stig.

Kobe Bryant átti stórleik fyrir L.A. Lakers en hann skoraði 42 stig í 108-103 sigri á Golden State.
Al Harrington spilaði vel fyrir Golden State og skoraði 30 stig.

Minnesota mátti sætta sig við tap á útivelli á móti Utah þrátt fyrir endurkomu Ricky Davis og Kevin
Garnett í liðið. 

Utah sigraði 106-91 með 28 stig og 5 fráköst frá Mehmet Okur.
Ricky Davis skoraði 32 fyrir Minnesota.

Síðasti leikur næturinnar var svo viðureign Boston og San Antonio.  Fyrir leikinn hafði San Antonio
unnið 29 leiki og Boston tapað 27.  93-89 sigur San Antonio kom því ekki á óvart en Boston gerði
þó vel í því að hanga inn í leiknum allt til loka.

Tim Duncan var stigahæstur hjá San Antonio, setti 21 stig gaf 5 stoðsendingar og tók 9 fráköst.
Manu Ginobili og Tony Parker skoruðu báðir 15 stig.

Delonte West var stigahæstur hjá Boston með 27 stig.
Al Jefferson skoraði 26 og tók 14 fráköst.

NBA: Anthony búinn að afplána 15 leikja bann

Spennandi nótt í NBA

Það voru spilaðir 4 leikir í NBA í nótt og fyrirfram var leikur Miami og Dallas talinn mest spennandi.  Sú varð líka raunin og réðust úrslit ekki fyrr en á síðustu sekúndum leiksins.  Eftir að Dallas hafði leitt fyrri hálfleikinn kom Miami sér aftur inn í leikinn og þegar tæp mínúta var eftir af leiknum minnkaði Dwayne Wade muninn í 3 stig. 96-93.  Þegar það voru 5 sekúndur eftir fékk Wade svo tækifæri á að jafna leikinn en 3ja stiga skot hans geigaði og Jerry Stackhouse náði að setja 2 stig niður á lokasekúndu leiksins.  Það var auk þess brotið á honum og fór hann því á vítalínuna og setti muninn í 6 stig.  Lokastaða því 99-93 fyrir Dallas.

Hjá Miami stóð Wade uppúr að vanda og setti 31 stig, tók 6 fráköst og gaf 6 stoðsendingar.  Shaquille O´Neal er enn utan vallar hjá meisturunum sökum meiðsla en menn eiga von á honum á allra næstu dögum.

Josh Howard spilaði vel fyrir Dallas og skoraði 25 stig auk þess að taka 9 fráköst.  Næstur kom Þjóðverjinn sterki Dirk Nowitski með 22 stig og 11 fráköst.

 

Hið skemmtilega sóknarlið Phenoix hélt áfram að raða niður stigum og vann í nótt Minnesota auðveldlega 131-102.  Það hlýtur þó að valda forráðamönnum Phenoix hugarangri að það er farið að heyra til undantekninga þegar liðið fær á sig færri en 100 stig, í þessu tilfelli á móti meðalliði Minnesota sem lék að þessu sinni án lykilmannana Kevin Garnett og Ricky Davis.

Amare "Mighty Mouse" Stodemire var stigahæstur þeirra Pheniox manna með 25 stig á tæpum 28 mínútum og Steve Nash hélt áfram áskrift sinni að 11 stoðsendingum.

Randy Foye sem fékk að spreyta sig í fyrsta skipti í byrjunarliðinu á leiktíðinni þakkaði fyrir sig með 25 stigum og var stigahæstur hjá "Úlfunum" í Minnesota.

 

Í hinum tveimur leikjunum vann San Antonio skyldusigur á Philadelphia 76´ers 99-85.  Brent Barry hjá Spurs átti góðan leik, setti niður 5 þrista og endaði í 23 stigum á 22 mínútum.  

Portland kláraði svo vængbrotið lið Milwaukee 99-95 þar sem Brandon Roy skoraði 28 stig fyrir Portland og hinn agnarsmái Earl Boykins skoraði einnig 28 stig fyrir Milwaukee en hann hefur verið að spila vel síðan hann kom til Milwaukee frá Denver.

 

Í nótt verður svo sýndur beint á NBA TV leikur Chicago Bulls og Indiana Pacers kl. 12 á miðnætti.  Eru allir gamlir Bulls aðdáendur hvattir til að setjast við skjáinn og kíkja á efnilegt lið Chicago og sjá ungstirnin Luol Deng og Ben Gordon spila en þeir hafa báðir leikið gríðarlega vel í vetur.

NBA: Ekkert lát á sigurgöngu Dallas

Karfan á MBL

Dirk var ekki útnefndur leikmaður Vesturdeildarinnar heldur var hann valinn besti leikmaður mánaðarins þar.  Hann er vel að því kominn og er sá fyrsti í langan tíma til að eiga möguleika á að verða hæsti leikmaður tímabilsins í því sem Kaninn kallar Efficiency þ.e. meðaltal yfir stig, stoðsendingar, fráköst, varin skot og stolna bolta.  Spurning hvort Garnett sé farinn að slaka eitthvað á og kannski kominn tími á að hann fari til almennilegs liðs.

En annars var tilgangur minn ekki sá að blogga um gamla frétt heldur var þetta nýjasta fréttin sem ég fann á MBL um NBA og vil ég hér með skora á stjórnendur að bæta alla umfjöllun á síðunni um körfubolta en eins og staðan er í dag er Vísir að stinga af í þeim málum.

Einhverjir fleiri fréttaþyrstir körfuboltaáhagendur hér sem taka undir með mér ?

Þangað til næst....

NBA: 45 stig frá McGrady dugðu Houston ekki